Mrunal Thakur: ధనుష్‌తో పెళ్లి? ‘ఫిబ్రవరి 14’ మ్యాటర్ పై తేల్చేసిన మృణాల్! విన్నవాళ్లు షాకే

గత కొన్ని నెలలుగా సోషల్ మీడియాలో ఎక్కడ చూసినా మృణాల్ ఠాకూర్, ధనుష్ పెళ్లి గురించిన చర్చలే కనిపిస్తున్నాయి. వీరిద్దరూ త్వరలోనే ఏడడుగులు వేయబోతున్నారని, దానికి ముహూర్తం కూడా కుదిరిందని వార్తలు షికార్లు చేశాయి. అయితే, తన తాజా చిత్రం ‘దో దీవానే షెహర్ మే’ (Do Deewane Seher Mein) ప్రమోషన్లలో భాగంగా మృణాల్ ఈ రూమర్లపై ఒక్క మాటతో చెక్ పెట్టారు.

ఫిబ్రవరి 14 కాదు.. ఏప్రిల్ 1!

పెళ్లి గురించి అడిగిన ప్రశ్నకు మృణాల్ నవ్వుతూ సమాధానమిస్తూ.. “ఫిబ్రవరి 14 నా పెళ్లి రోజని ఎవరు అన్నారో తెలియదు కానీ, అది నాకు ఏప్రిల్ ఫూల్స్ డే (April 1) లా అనిపిస్తోంది” అని వ్యాఖ్యానించారు.

“నేను అసలు ఎక్కడా పెళ్లి గురించి మాట్లాడలేదు. కానీ ‘మృణాల్ తన పెళ్లిని అధికారికంగా ప్రకటించింది’ అని వార్తలు రావడం చూసి నాకు భయం వేస్తోంది” అని ఆమె తన ఆవేదన వ్యక్తం చేశారు.

ఫిబ్రవరి 14న వాలెంటైన్స్ డే సందర్భంగా పెళ్లి జరుగుతుందని వస్తున్న వార్తలన్నీ కేవలం పుకార్లేనని మృణాల్ తేల్చి చెప్పారు.

ఆ హగ్.. ఆ ఫోటోలే కారణమా?

అసలు ఈ గొడవంతా ‘సన్ ఆఫ్ సర్దార్ 2’ (Son of Sardaar 2) ప్రీమియర్ ఈవెంట్‌తో మొదలైంది. అక్కడ ధనుష్, మృణాల్ ఒకరినొకరు ఆలింగనం చేసుకున్న వీడియోలు బయటకు రావడంతో వీరిద్దరి మధ్య ఏదో ఉందనే అనుమానాలు బలపడ్డాయి. ఆ తర్వాత ఏఐ (AI) జనరేటెడ్ ఫోటోలు కూడా నెట్టింట హల్చల్ చేయడంతో జనం అది నిజమే అని నమ్మేశారు. కానీ, ధనుష్ కేవలం అజయ్ దేవగన్ ఆహ్వానం మేరకు మాత్రమే ఆ ఈవెంట్‌కు వచ్చారని మృణాల్ ముందే క్లారిటీ ఇచ్చారు.

చేతినిండా సినిమాలు.. ‘డాకోయిట్’ సిద్ధం!

మృణాల్ ప్రస్తుతం తన కెరీర్ పీక్స్‌లో ఉన్నారు. సిద్ధాంత్ చతుర్వేదితో కలిసి నటించిన ‘దో దీవానే షెహర్ మే’ ఫిబ్రవరి 20న రిలీజ్ కాబోతోంది.

తెలుగులో అడివి శేష్‌తో కలిసి ‘డాకోయిట్’ (Dacoit) అనే సినిమాలో నటిస్తోంది. ఈ సినిమా ఏప్రిల్ 10న విడుదల కానుంది.

అలాగే అల్లు అర్జున్ – అట్లీ కాంబినేషన్ లో రాబోతున్న క్రేజీ ప్రాజెక్ట్ లో కూడా మృణాల్ పేరు వినిపిస్తోంది.