సినిమా వార్తలు
నిర్మాత నేనే.. కథ నాదే! దెబ్బ తిన్న పులి రామ్ పోతినేని రచ్చ!
టాలీవుడ్ ఎనర్జిటిక్ స్టార్ రామ్ పోతినేని ఇప్పుడు రూటు మార్చారు. ‘ఆంధ్రా కింగ్ తాలూకా’ ఫలితం ఎలా ఉన్నా, రామ్ లోని కసి మాత్రం తగ్గలేదు సరికదా.. అది ఇప్పుడు ‘విశ్వరూపం’ దాల్చబోతోంది. బాహుబలి వంటి భారీ చిత్రాలను నిర్మించిన అర్కా మీడియా ప్రాజెక్ట్ను సైతం పక్కన పెట్టి, రామ్ ఇప్పుడు తన సొంత సామ్రాజ్యాన్ని నిర్మించుకునే పనిలో పడ్డారు. తాజా సమాచారం ప్రకారం, రామ్ తన తదుపరి సినిమా కోసం కేవలం హీరోగానే కాకుండా, మల్టీ టాస్కింగ్ చేస్తూ అందరి మైండ్ బ్లాక్ చేస్తున్నారు.
నిర్మాత లేడు.. కథ తనదే.. వన్ మ్యాన్ ఆర్మీ!
రామ్ తదుపరి సినిమా గురించి వినిపిస్తున్న వార్తలు కుర్రాళ్లకు పిచ్చెక్కిస్తున్నాయి. సాధారణంగా స్టార్ హీరోలు పెద్ద పెద్ద బ్యానర్ల వెంట పడతారు. కానీ రామ్ మాత్రం ఈసారి ఎవరికీ అందనంత ఎత్తులో స్కెచ్ వేశారు.
రైటర్ గా రామ్: దర్శకుడు కిషోర్ తిరుమల అందించిన బేసిక్ లైన్కు, రామ్ స్వయంగా తన పెన్నుకు పని చెప్పారు. కొంతమంది రైటర్లతో కలిసి స్క్రిప్ట్కు ఫైనల్ టచ్ ఇస్తున్నారు. ఈ సినిమాలో రామ్ క్రెడిట్స్ లో ‘రైటర్’ గా కూడా కనిపించబోతున్నారు.
సొంత నిర్మాణం: ఏ ప్రొడ్యూసర్ అండ లేకుండా, తన సొంత బ్యానర్లోనే ఈ సినిమాను భారీ స్థాయిలో నిర్మించాలని రామ్ ఫిక్స్ అయ్యారు. రిస్క్ అయినా సరే, తన కంటెంట్ మీద ఉన్న నమ్మకంతో రామ్ ఈ సాహసం చేస్తున్నారు.
మార్చి మొదటి వారంలో ‘బ్లాస్ట్’ ఖాయం
ప్రస్తుతం ఈ ప్రాజెక్ట్కి సంబంధించిన డైరెక్టర్ ఎంపిక ప్రక్రియ తుది దశలో ఉంది. ఈ వారంలోనే దర్శకుడిని ఫైనలైజ్ చేసి, మార్చి మొదటి వారంలో అఫీషియల్ అనౌన్స్మెంట్ ఇవ్వబోతున్నారు. దెబ్బతిన్న పులి లాగా రామ్ చేస్తున్న ఈ ప్రయత్నం చూస్తుంటే, బాక్సాఫీస్ దగ్గర ఈసారి లెక్కలు సరిచేయడం ఖాయంగా కనిపిస్తోంది. హీరోగా, రైటర్ గా, ప్రొడ్యూసర్ గా రామ్ చేస్తున్న ఈ ‘మల్టీ టాస్కింగ్’ టాలీవుడ్ లో ఇప్పుడు హాట్ టాపిక్ గా మారింది.
ఎనర్జిటిక్ స్టార్ తన కెరీర్లో ఎన్నడూ లేని విధంగా ఇంతటి బాధ్యతను భుజాన వేసుకోవడం ఆయన ఫ్యాన్స్కు ఫుల్ జోష్ ఇస్తోంది. కంటెంట్ మీద గ్రిప్ ఉన్న హీరోలు సక్సెస్ కొడితే ఆ రేంజ్ ఎలా ఉంటుందో మనందరికీ తెలిసిందే. మరి మార్చిలో రాబోయే ఆ ‘బిగ్ అనౌన్స్మెంట్’ టాలీవుడ్ రికార్డులను ఎలా తిరగరాస్తుందో చూడాలి!
