బాలీవుడ్ స్టార్ హీరో షాహిద్ కపూర్ (Shahid Kapoor), నేషనల్ క్రష్ తృప్తి డిమ్రి (Triptii Dimri) జంటగా నటించిన మోస్ట్ ఏవైటెడ్ మూవీ ‘ఓ రోమియో’ (O Romeo) విడుదలకు ముందే చిక్కుల్లో పడింది. ఫిబ్రవరి 13న వాలెంటైన్స్ వీక్ సందర్భంగా గ్రాండ్గా రిలీజ్ కావాల్సిన ఈ చిత్రంపై ఇప్పుడు స్టే వచ్చే అవకాశం కనిపిస్తోంది. ముంబైకి చెందిన గ్యాంగ్స్టర్ హుస్సేన్ ఉస్తారా (Hussain Ustara) కుమార్తె సనోబర్ షేక్ ఈ సినిమా ప్రదర్శనను నిలిపివేయాలని కోరుతూ కోర్టులో పిటిషన్ దాఖలు చేయడం ఇప్పుడు బాలీవుడ్ వర్గాల్లో ప్రకంపనలు సృష్టిస్తోంది.
వివాదం ఏంటి? (The Controversy) ముంబై సివిల్ కోర్టులో దాఖలైన ఈ పిటిషన్ ప్రకారం, ‘ఓ రోమియో’ చిత్రం తన తండ్రి హుస్సేన్ ఉస్తారా జీవితం ఆధారంగా అనధికారికంగా (Unauthorised Biography) తెరకెక్కించారని సనోబర్ ఆరోపిస్తున్నారు. సినిమాలో తన తండ్రి పాత్రను తప్పుగా, అగౌరవపరిచే విధంగా చిత్రీకరించారని ఆమె పేర్కొన్నారు. ఈ మేరకు చిత్ర నిర్మాత సాజిద్ నాడియాడ్వాలా, దర్శకుడు విశాల్ భరద్వాజ్ మరియు రచయిత హుస్సేన్ జైదీలకు వ్యతిరేకంగా ఆమె న్యాయపోరాటానికి దిగారు.
ఈ సినిమా ప్రముఖ జర్నలిస్ట్ హుస్సేన్ జైదీ రాసిన ‘మాఫియా క్వీన్స్ ఆఫ్ ముంబై’ పుస్తకం ఆధారంగా రూపొందింది. ఇందులో షాహిద్ కపూర్ మాఫియా డాన్ హుస్సేన్ ఉస్తారాగా నటిస్తుండగా, తృప్తి డిమ్రి ‘సప్నా దీదీ’ పాత్రలో కనిపించనుంది.
కోర్టు విచారణ: ఈ కేసుపై ఫిబ్రవరి 6న కోర్టు కీలక విచారణ జరపనుంది. అప్పటివరకు ఈ సినిమా భవితవ్యంపై ఉత్కంఠ నెలకొంది.
అరిజిత్ సింగ్ పాటతో మొదలైన జోష్.. సినిమా వివాదంలో ఉన్నప్పటికీ, తాజాగా విడుదలైన ‘ఇష్క్ కా ఫీవర్’ (Ishq Ka Fever) సాంగ్ సోషల్ మీడియాను ఊపేస్తోంది. సింగర్ అరిజిత్ సింగ్ (Arijit Singh) రిటైర్మెంట్ ప్రకటించిన తర్వాత వచ్చిన పాట కావడంతో దీనికి విపరీతమైన వ్యూస్ వస్తున్నాయి. విశాల్ భరద్వాజ్ సంగీతం, గుల్జార్ సాహిత్యం ప్రేక్షకులను మంత్రముగ్ధులను చేస్తున్నాయి.
వాలెంటైన్స్ డే సందర్భంగా భారీ అంచనాల మధ్య రాబోతున్న ‘ఓ రోమియో’ రిలీజ్ అవుతుందా లేక కోర్టు స్టే విధిస్తుందా అనేది ఇప్పుడు మిలియన్ డాలర్ల ప్రశ్నగా మారింది.
