సినిమా వార్తలు
విజయ్ ‘జన నాయకన్’ రిలీజ్కు సుప్రీం బ్రేక్? సెన్సార్ బోర్డ్ వేసిన మాస్టర్ ప్లాన్తో దళపతి ఫ్యాన్స్ షాక్!
కోలీవుడ్ సూపర్ స్టార్ విజయ్ తన పొలిటికల్ ఎంట్రీకి ముందు ఎంతో ప్రతిష్ఠాత్మకగా తెరకెక్కించిన చిత్రం ‘జన నాయకన్’. సంక్రాంతికి థియేటర్లలో రచ్చ చేయాల్సిన ఈ సినిమా, ఇప్పుడు కోర్టుల చుట్టూ తిరుగుతోంది. మద్రాస్ హైకోర్టులో ఎదురుదెబ్బ తగలడంతో, చిత్ర యూనిట్ ఏకంగా దేశ అత్యున్నత న్యాయస్థానం సుప్రీంకోర్టు మెట్లు ఎక్కింది. కానీ, అక్కడే అసలు ట్విస్ట్ మొదలైంది!
సుప్రీంకోర్టులో హై డ్రామా.. సెన్సార్ బోర్డ్ వేసిన ‘చెక్’!
మద్రాస్ హైకోర్టు ఈ సినిమా సెన్సార్ క్లియరెన్స్పై తీర్పును జనవరి 21కి వాయిదా వేయడంతో, మేకర్స్ హుటాహుటిన సుప్రీంకోర్టులో ‘స్పెషల్ లీవ్ పిటిషన్’ దాఖలు చేశారు. అయితే, చిత్ర యూనిట్ కంటే ఒక అడుగు ముందే ఉన్న సెన్సార్ బోర్డ్ (CBFC).. సుప్రీంకోర్టులో ‘కావియట్’ పిటిషన్ వేసింది!
అసలేంటి ఈ కావియట్?: “మా వాదన వినకుండా సినిమా రిలీజ్పై ఎలాంటి తీర్పు ఇవ్వొద్దు” అని సెన్సార్ బోర్డ్ కోర్టును కోరింది.
దీనిపై సుప్రీంకోర్టు రేపు (బుధవారం) తుది నిర్ణయం తీసుకోనుంది. రేపు వచ్చే తీర్పుపైనే విజయ్ కెరీర్ బెస్ట్ ఓపెనింగ్స్ ఆధారపడి ఉన్నాయి.
‘భగవంత్ కేసరి’ రీమేక్.. కానీ అంతా పాలిటిక్స్?
నందమూరి బాలకృష్ణ నటించిన తెలుగు హిట్ ‘భగవంత్ కేసరి’కి రీమేక్గా వస్తున్న ఈ చిత్రానికి హెచ్. వినోద్ దర్శకత్వం వహించారు. సినిమాలో విజయ్ సరసన పూజా హెగ్డే నటించగా, విలన్గా బాబీ డియోల్ కనిపిస్తున్నారు. అయితే, విజయ్ రాజకీయాల్లోకి వస్తున్న నేపథ్యంలో.. సినిమాలోని కొన్ని పొలిటికల్ డైలాగులు, సీన్లపై సెన్సార్ బోర్డ్ అభ్యంతరం వ్యక్తం చేస్తోంది. ఇదే ఇప్పుడు సినిమా రిలీజ్కు పెద్ద అడ్డంకిగా మారింది.
సంక్రాంతి రేసు నుంచి అవుట్?
ఒకవేళ సుప్రీంకోర్టులో రేపు ఊరట లభించకపోతే, జనవరి 21 వరకు వెయిట్ చేయక తప్పదు. అంటే, సంక్రాంతి సీజన్ (పొంగల్) మొత్తం గడిచిపోతుంది. వందల కోట్ల బిజినెస్ జరగాల్సిన ఈ టైమ్లో సినిమా రాకపోవడం అంటే దళపతి ఫ్యాన్స్కు ఇది కోలుకోలేని దెబ్బే!
