సినిమా వార్తలు
Allu Arjun 42-Rule Report: బన్నీ టీమ్ దెబ్బకు దిగొచ్చిన బ్రాండ్ స్ట్రాటజిస్ట్.. 42 రూల్స్ రిపోర్ట్పై సంచలన క్లారిటీ!
ఐకాన్ స్టార్ అల్లు అర్జున్ను కలవాలంటే 42 రకాల కఠినమైన రూల్స్ పాటించాలా? సోషల్ మీడియాలో గత కొన్ని రోజులుగా వైరల్ అవుతున్న ఈ వార్త ఇప్పుడు అడ్డం తిరిగింది. బన్నీ టీమ్ లీగల్ యాక్షన్కు దిగడంతో, ఆరోపణలు చేసిన బ్రాండ్ స్ట్రాటజిస్ట్ కావేరీ బారువా ఒక్కసారిగా యూ-టర్న్ తీసుకున్నారు. ఆ 42 రూల్స్ రిపోర్ట్ వెనుక ఉన్న అసలు నిజాన్ని ఒప్పుకుంటూ ఆమె చేసిన ప్రకటన ఇప్పుడు నెట్టింట వైరల్ అవుతోంది.
ఏమిటీ వివాదం? ఆ ’42 రూల్స్’ గోల ఏంటి?
ఇటీవల ఒక పాడ్కాస్ట్లో పాల్గొన్న కావేరీ బారువా, అల్లు అర్జున్ను కలవడానికి ముందు తనకి ఒక ’42 రూల్స్’ డాక్యుమెంట్ ఇచ్చారని, అందులో నటుడిని కలిసేటప్పుడు ఏం చేయాలి, ఏం చేయకూడదు అనే అంశాలు ఉన్నాయని సంచలన వ్యాఖ్యలు చేశారు. ఈ వ్యాఖ్యలు సోషల్ మీడియాలో అల్లు అర్జున్ ఇమేజ్ను దెబ్బతీసేలా ప్రచారమయ్యాయి.
బన్నీ టీమ్ ఫైర్.. లీగల్ నోటీసులతో సీన్ రివర్స్!
ఈ తప్పుడు ప్రచారంపై అల్లు అర్జున్ టీమ్ చాలా వేగంగా స్పందించింది. కావేరీ బారువా మరియు ఆ పాడ్కాస్ట్ నిర్వహించిన స్వీకృతిపై చట్టపరమైన చర్యలు తీసుకుంటామని ప్రకటించారు. దీంతో పరిస్థితి తీవ్రతను అర్థం చేసుకున్న కావేరీ, సోషల్ మీడియా వేదికగా బహిరంగ క్షమాపణలు చెప్పారు.
కావేరీ బారువా వివరణ ఇదీ:
తాను చేసిన వ్యాఖ్యలు వాస్తవం కాదని, అవి కేవలం మాటల ప్రవాహంలో అన్నవే తప్ప ఫ్యాక్ట్స్ కావని ఆమె అంగీకరించారు.
అల్లు అర్జున్ టీమ్ తనకు ఎలాంటి ’42 నిబంధనల’ పత్రాన్ని ఇవ్వలేదని స్పష్టం చేశారు.
తన తప్పుడు వ్యాఖ్యల వల్ల అల్లు అర్జున్ ప్రతిష్టకు కలిగిన భంగానికి చింతిస్తున్నానని, ఆ వ్యాఖ్యలను పూర్తిగా వెనక్కి తీసుకుంటున్నానని తెలిపారు.
పాడ్కాస్ట్ డిలీట్.. క్లారిటీ ఇచ్చిన స్వీకృతి!
వివాదం ముదరడంతో సదరు పాడ్కాస్ట్ ఎపిసోడ్ను ఆన్లైన్ నుండి పూర్తిగా తొలగించినట్లు పోడ్కాస్టర్ స్వీకృతి స్పష్టం చేశారు. తప్పుడు సమాచారాన్ని ఫ్యాక్ట్స్ లాగా ప్రెజెంట్ చేయడం సరైంది కాదని వారు అంగీకరించారు.
మొత్తానికి అల్లు అర్జున్ ‘ప్రొటోకాల్’ వివాదానికి తెరపడింది. ఒక సెలబ్రిటీపై ఆరోపణలు చేసే ముందు అవి ఎంతవరకు నిజమో చూసుకోవాలని, లేదంటే లీగల్ చిక్కులు తప్పవని ఈ ఘటన మరోసారి నిరూపించింది. బన్నీ ఫ్యాన్స్ మాత్రం తమ హీరోపై వచ్చిన తప్పుడు ఆరోపణలు తొలగిపోవడంతో సోషల్ మీడియాలో పండగ చేసుకుంటున్నారు.
