సినిమా వార్తలు
2025 గూగుల్ ట్రెండ్స్ షాక్: టాప్ 10లో ఒక్కటే తెలుగు సినిమా!
2025లో థియేటర్లలో ఏ సినిమాలు ఆడాయో కాదు… గూగుల్లో ఏ సినిమాల కోసం జనాలు ఎక్కువగా సెర్చ్ చేశారో తెలుసా? ఆ లిస్ట్ చూస్తే షాక్ అవ్వాల్సిందే! బాలీవుడ్ డామినేషన్… సౌత్ సినిమాల హవా… మరి తెలుగు సినిమా పరిస్థితి ఏంటి? టాప్ 10లో నిలిచింది ఒక్కటే!
గూగుల్ ఇండియా విడుదల చేసిన 2025 ట్రెండింగ్ మూవీస్ లిస్ట్లో బాలీవుడ్ సినిమాలు టాప్ ప్లేస్లను క్లీన్ స్వీప్ చేశాయి.
ఈ ఏడాది అత్యధికంగా సెర్చ్ అయిన సినిమా గా ‘సయ్యారా’ (Saiyaara) నిలిచింది. ఈ రొమాంటిక్ డ్రామా కేవలం ట్రెండింగ్లోనే కాదు, ఇండియన్ రొమాంటిక్ సినిమాల చరిత్రలోనే అత్యధిక వసూళ్లు సాధించిన చిత్రంగా రికార్డ్ సృష్టించింది.
రెండో స్థానంలో రిషబ్ శెట్టి ‘కాంతార: ఏ లెజెండ్ – చాప్టర్ 1’ దేశవ్యాప్తంగా గట్టి ఇంట్రెస్ట్తో ట్రెండ్ అయింది.
తమిళ, మలయాళ సినిమాలు కూడా లిస్ట్లో బలంగా నిలిచాయి. కానీ తెలుగు ఇండస్ట్రీ నుంచి మాత్రం ఒక్క సినిమా మాత్రమే టాప్ 10లోకి చేరడం ఇప్పుడు హాట్ టాపిక్గా మారింది.
ఆ సినిమా ఏదంటే… రామ్ చరణ్ నటించిన ‘గేమ్ ఛేంజర్’. శంకర్ దర్శకత్వంలో జనవరి 2025లో విడుదలైన ఈ సినిమా బాక్సాఫీస్ దగ్గర నిరాశపరిచినా, ఆన్లైన్లో మాత్రం విపరీతమైన బజ్ క్రియేట్ చేసింది. టీజర్లు, ట్రోల్స్, డిబేట్స్, సోషల్ మీడియాలో చర్చలు… అన్నీ కలిసి ‘గేమ్ ఛేంజర్’ని గూగుల్ ట్రెండ్స్లోకి నెట్టాయి.
మరోవైపు ఎన్టీఆర్ బాలీవుడ్ డెబ్యూ ‘వార్ 2’ కూడా ట్రెండింగ్ మూవీస్ లిస్ట్లో చోటు దక్కించుకుంది.
ఇదిగో 2025 గూగుల్ ఇండియా ట్రెండింగ్ సినిమాల లిస్ట్ – పూర్తిగా తెలుగులో 👇
2025లో గూగుల్లో అత్యధికంగా ట్రెండ్ అయిన సినిమాలు (భారతదేశం)
- సయ్యారా
- కాంతార: ఎ లెజెండ్ – చాప్టర్ 1 (కన్నడ)
- కూలీ (తమిళం)
- వార్ 2
- సనం తెరి కసమ్
- మార్కో (మలయాళం)
- హౌస్ఫుల్ 5
- గేమ్ ఛేంజర్ (తెలుగు)
- మిసెస్
- మహావతార్ నరసింహ 2025 ట్రెండ్స్ చూస్తే ఒక్క విషయం క్లియర్— బాక్సాఫీస్ ఫలితాలు ఒక లెక్క… గూగుల్ ట్రెండింగ్ మరో లెక్క!
ఫ్లాప్ అయినా సరే, డిస్కషన్లో ఉంటే చాలు… గేమ్ ఛేంజర్ లాంటి సినిమాలు ట్రెండ్స్ను మార్చేస్తాయి.
మరి 2026లో తెలుగు సినిమాలు ఈ లిస్ట్లో ఎన్ని చోట్ల దక్కించుకుంటాయో?
వెయిట్ అండ్ వాచ్!
