ఒకప్పుడు బాలీవుడ్ బాక్సాఫీస్ వద్ద బిపాసా బసు పేరు వినిపిస్తే చాలు.. థియేటర్లు దద్దరిల్లిపోయేవి. కేవలం గ్లామర్ మాత్రమే కాదు, తనదైన బోల్డ్ నటనతో ‘సెక్సీ’ అనే పదానికి కొత్త నిర్వచనం ఇచ్చిందీ భామ. మోడలింగ్ రంగం నుండి మెరుపు తీగలా ఇండస్ట్రీలోకి అడుగుపెట్టిన బిపాసా, 2001లో ‘అజ్నబీ’తో వెండితెరకు పరిచయమైంది. ఆ తర్వాత వచ్చిన ‘రాజ్’, ‘జిస్మ్’ వంటి చిత్రాలతో రాత్రికి రాత్రే నేషనల్ క్రష్గా మారిపోయింది.
ఖాన్లు, కపూర్లు రాజ్యమేలుతున్న సమయంలో.. తనకంటూ ఒక ప్రత్యేకమైన ‘స్టార్ డమ్’ను క్రియేట్ చేసుకున్న అతికొద్ది మంది హీరోయిన్లలో బిపాసా ఒకరు. ఆమె స్క్రీన్పై కనిపిస్తే ఆ మ్యాజిక్కే వేరు. ‘నో ఎంట్రీ’, ‘ధూమ్ 2’, ‘ఓంకార’ వంటి సినిమాల్లో ఆమె గ్లామర్ చూసి కుర్రకారు వెర్రెత్తిపోయేవారు. అలాంటి సెన్సేషనల్ హీరోయిన్, గత 11 ఏళ్లుగా వెండితెరకు దూరంగా ఉన్నా.. నేటికీ ఆమె రేంజ్, ఆమె లగ్జరీ లైఫ్ స్టైల్ ఏమాత్రం తగ్గకపోవడం విశేషం. సినిమాల్లేకపోయినా ఇప్పుడూ అదే తోపు! వందల కోట్ల వెనుక అసలు రహస్యం ఏమిటో చూద్దాం!
బిపాసా బసు @ 47: షాకింగ్ నిజాలు!
బాలీవుడ్ ‘బ్లాక్ బ్యూటీ’ బిపాసా బసు నేడు తన 47వ పుట్టినరోజు జరుపుకుంటోంది. వెండితెరకు దూరమై దశాబ్ద కాలం దాటినా, ఈమె రేంజ్ ఏమాత్రం తగ్గలేదు. అసలు సినిమాల్లేకుండా బిపాసా ఇన్ని కోట్లు ఎలా సంపాదిస్తోంది?
11 ఏళ్ల విరామం.. అయినా తగ్గని క్రేజ్!
2015లో వచ్చిన ‘అలోన్’ సినిమా తర్వాత బిపాసా మళ్ళీ మేకప్ వేసుకోలేదు. దాదాపు 11 ఏళ్లుగా ఇండస్ట్రీకి దూరంగా ఉన్నా, ఇప్పటికీ టాప్ హీరోయిన్ల రేంజ్ లగ్జరీ లైఫ్ అనుభవిస్తోంది.
133 కోట్ల సామ్రాజ్యం!
మీడియా నివేదికల ప్రకారం బిపాసా బసు నికర ఆస్తి విలువ అక్షరాలా రూ. 133 కోట్లు. సినిమాల్లో నటించకపోయినా ఈ స్థాయిలో ఆస్తి కూడబెట్టడం వెనుక ఆమె తెలివైన బిజినెస్ ప్లాన్స్ ఉన్నాయట.
ముంబైలో 16 కోట్ల విలాసవంతమైన ఇల్లు!
ముంబైలోని ఖరీదైన ప్రాంతంలో సుమారు రూ. 16 కోట్ల విలువైన లగ్జరీ అపార్ట్మెంట్లో బిపాసా నివసిస్తోంది. భర్త కరణ్ సింగ్ గ్రోవర్, కుమార్తె దేవితో కలిసి ఈ ‘హౌస్ ఆఫ్ లవ్’లో ఆమె ఎంజాయ్ చేస్తోంది.
సినిమాలు లేవు.. మరి ఆదాయం ఎక్కడిది?
ప్రస్తుతం బిపాసాకు ప్రధాన ఆదాయ వనరు ‘బ్రాండ్ ఎండార్స్మెంట్స్’. ఒక్కో యాడ్లో నటించడానికి ఈమె ఏకంగా రూ. 2 కోట్ల వరకు వసూలు చేస్తున్నట్లు సమాచారం.
సోషల్ మీడియానే ఒక గోల్డ్ మైన్!
కేవలం ఇన్స్టాగ్రామ్, సోషల్ మీడియా పోస్టుల ద్వారా కూడా బిపాసా లక్షల్లో సంపాదిస్తోంది. తనకున్న ఫాలోయింగ్ను క్యాష్ చేసుకుంటూ ప్రమోషన్స్ ద్వారా కోట్లు గడిస్తోంది.
ప్రైవేట్ ఈవెంట్స్.. లక్షల పారితోషికం!
సినిమాల్లేకపోయినా రియాలిటీ షోలు, ప్రైవేట్ ఫంక్షన్లు, రిబ్బన్ కటింగ్స్ మరియు పాడ్కాస్ట్ల ద్వారా బిపాసా నిరంతరం ఆదాయాన్ని ఆర్జిస్తోంది. ఒక్కో ఈవెంట్కు ఆమె తీసుకునే పారితోషికం వింటే కళ్ళు తేలేయాల్సిందే!
బిపాసా గ్యారేజ్ లో లగ్జరీ కార్ల జాతర!
ఆమె కార్ల కలెక్షన్ చూస్తే మైండ్ బ్లాక్ అవ్వాల్సిందే. రూ. 95 లక్షల ఆడి Q7, పోర్షే కేయెన్, టయోటా ఫార్చ్యూనర్ తో పాటు రూ. 33 లక్షల వోక్స్వ్యాగన్ బీటిల్ వంటి ఖరీదైన కార్లు ఆమె సొంతం.
మోడలింగ్ నుండి ‘అజ్నబీ’ వరకు..
బిపాసా తన కెరీర్ ను మోడల్ గా మొదలుపెట్టింది. 2001లో వచ్చిన ‘అజ్నబీ’తో హీరోయిన్ గా ఎంట్రీ ఇచ్చి.. రాజ్, జిస్మ్, నో ఎంట్రీ వంటి హిట్లతో బాలీవుడ్ ను ఏలేసింది.
జాన్ అబ్రహం తో 9 ఏళ్ల ప్రేమాయణం!
ఒకప్పుడు జాన్ అబ్రహం – బిపాసా బసు అంటే బాలీవుడ్ లో హాట్ కపుల్. దాదాపు 9 ఏళ్ల పాటు పీకల్లోతు ప్రేమలో మునిగిన ఈ జంట, పెళ్లి పీటల వరకు వెళ్లకుండానే విడిపోవడం అప్పట్లో పెద్ద సంచలనం.
కరణ్ సింగ్ గ్రోవర్ తో లైఫ్..
2016లో నటుడు కరణ్ సింగ్ గ్రోవర్ను వివాహం చేసుకుంది బిపాసా. ఈ జంటకు ‘దేవి’ అనే ముద్దుల కుమార్తె ఉంది. ప్రస్తుతం బిపాసా తన పూర్తి సమయాన్ని ఫ్యామిలీకే కేటాయిస్తోంది.
రీ-ఎంట్రీ ఎప్పుడు?
వందల కోట్ల ఆస్తి, లగ్జరీ లైఫ్ ఉన్నా బిపాసాను మళ్ళీ వెండితెరపై చూడాలని ఫ్యాన్స్ కోరుకుంటున్నారు. మరి ఈ బ్యూటీ తన సెకండ్ ఇన్నింగ్స్ ఎప్పుడు మొదలుపెడుతుందో చూడాలి!
