తమిళ సినీ ఇండస్ట్రీలో గత కొన్ని రోజులుగా హైడ్రామా నడిపిస్తున్న ‘జన నాయగన్’ సినిమా సెన్సార్ వివాదంలో ఊహించని ట్విస్ట్ చోటుచేసుకుంది. సెన్సార్ సర్టిఫికేట్ కోసం కోర్టు మెట్లు ఎక్కిన చిత్ర యూనిట్.. ఇప్పుడు అనూహ్యంగా తమ కేసును ఉపసంహరించుకోవాలని (Withdraw) నిర్ణయించుకుంది. ఈ వార్త ఇప్పుడు కోలీవుడ్లో హాట్ టాపిక్గా మారింది.
కోర్టులో అసలేం జరిగింది?
జనవరి ప్రారంభం నుంచి ఈ సినిమా మేకర్స్ కి, సెన్సార్ బోర్డు (CBFC) కి మధ్య పెద్ద యుద్ధమే నడిచింది.
మొదట మద్రాస్ హైకోర్టు సింగిల్ జడ్జి సినిమాకు అనుకూలంగా తీర్పునిస్తూ U/A 16+ సర్టిఫికేట్ ఇవ్వాలని ఆదేశించారు.
కానీ సెన్సార్ బోర్డు అప్పీల్తో డివిజన్ బెంచ్ ఆ ఆర్డర్పై స్టే విధించింది.
చివరకు సుప్రీంకోర్టు వరకు వెళ్ళినా ఫలితం లేకపోవడంతో, మేకర్స్ ఇప్పుడు తమ వ్యూహాన్ని మార్చుకున్నారు.
మరిన్ని కట్స్.. ఆడియో మ్యూట్స్?
కేసును వెనక్కి తీసుకున్న తర్వాత, సినిమాను మళ్ళీ రివైజింగ్ కమిటీ (Revising Committee) పరిశీలనకు పంపనున్నారు. అయితే ఇక్కడే అసలు భయం మొదలైంది. రివైజింగ్ కమిటీ ఈ సినిమాలో గతంలో కంటే మరిన్ని సీన్లకు కత్తెర వేసే అవకాశం ఉందని, చాలా చోట్ల ఆడియో మ్యూట్స్ చేసే ఛాన్స్ ఉందని ఇండస్ట్రీ వర్గాలు గుసగుసలాడుతున్నాయి. ఈ ప్రక్రియ పూర్తి కావడానికి మరో నెల రోజులు పట్టేలా ఉంది.
వివాదం టైమ్లైన్ ఇదే:
జనవరి 6-9: సెన్సార్ బోర్డు నిర్ణయాన్ని సవాల్ చేస్తూ ప్రొడ్యూసర్స్ హైకోర్టులో పిటిషన్.
జనవరి 9: మేకర్స్ కు అనుకూలంగా తీర్పు. అదే రోజు సాయంత్రం బోర్డు అప్పీల్తో స్టే!
జనవరి 12-15: సుప్రీంకోర్టుకు వెళ్ళిన మేకర్స్.. అక్కడ చుక్కెదురు.
జనవరి 20-27: హైకోర్టులో సుదీర్ఘ వాదనలు.. చివరకు కేసు విత్డ్రా!
