నయనతార ప్రధాన పాత్రలో నటించిన టెస్ట్ అనే చిత్రం ఓటిటిలో డైరక్ట్ రిలీజ్ అవుతోంది. ఈ సినిమాతో శశికాంత్‌ దర్శకుడిగా పరిచయం కానున్నారు. అలాగే 10 ఏళ్ల సుదీర్ఘ విరామం తర్వాత మీరా జాస్మిన్‌ (Meera Jasmine) తమిళ సినిమాలో కనిపించనున్నారు. అలాగే రెండు దశాబ్దాల తర్వాత ఆమె మాధవన్‌తో కలిసి నటించడం మరో విశేషం. ది ఫ్యామిలీ మ్యాన్‌తో రచయితగా గుర్తింపుతెచ్చుకున్న సుమన్‌ కుమార్‌ రాసిన కథ ఆధారంగా ఈ చిత్రం రూపొందింది.
చెన్నైలో జరిగిన ఒక అంతర్జాతీయ టెస్ట్ క్రికెట్‌ మ్యాచ్‌ ముగ్గురు వ్యక్తుల జీవితాలను ఎలా ప్రభావితం చేసిందనే కథనంతో స్పోర్ట్స్‌ డ్రామాగా రూపొందింది ‘టెస్ట్’ (Test). ఈ స్పోర్ట్స్‌ డ్రామా డైరెక్ట్‌గా ఓటీటీలో విడుదలకు సిద్ధమైంది.
నెట్‌ఫ్లిక్స్‌ వేదికగా ఏప్రిల్‌ 4 నుంచి అందుబాటులోకి రానుంది. ఈ విషయాన్ని తెలుపుతూ నెట్‌ఫ్లిక్స్‌ (Netflix) ఓ పోస్టర్‌ పంచుకుంది.
తెలుగు, తమిళ, మలయాళం, కన్నడ, హిందీ భాషల్లో స్ట్రీమింగ్‌ కానున్నట్లు తెలిపింది.
‘మనందరి జీవితాల్లో ఒక మలుపు కచ్చితంగా ఉంటుంది. అదే జీవితంలో అసలైన ‘టెస్ట్’’ అని క్యాప్షన్‌ పెట్టింది. ఇందులో కుముధ పాత్రలో నయనతార (Nayanthara), క్రికెటర్‌ అర్జున్‌గా సిద్ధార్థ్‌ కనిపించగా ఆర్‌.మాధవన్‌, మీరా జాస్మిన్‌ తదితరులు కీలక పాత్రల్లో నటించారు.
