“అఖండ 2” రిలీజ్ ఆగిపోవటం వెనక అసలు కారణం

బాలకృష్ణ మరియు బోయపాటి శ్రీను కాంబినేషన్ అన్నా, మాస్ ప్రేక్షకుల్లో ప్రత్యేక క్రేజ్. అలాంటి కాంబినేషన్‌లో వచ్చిన ‘అఖండ 2’ కోసం ఫ్యాన్స్ చాలాకాలంగా ఎదురు చూస్తున్నారు. థియేటర్లలో డిసెంబర్ 5న గ్రాండ్ రిలీజ్ కు ఏర్పాట్లుజరిగాయి. స్పెషల్ ప్రీమియర్స్ , టిక్కెట్ రేట్లు హైక్ కు ఫర్మిషన్స్ వచ్చాయి. అయితే గత 24 గంటల్లో పరిస్థితి పూర్తిగా మారిపోయింది. ప్రీమియర్స్ రద్దు, సోషల్ మీడియాలో వార్తలు, చివరకు అధికారిక ప్రకటన – అన్నీ కలిపి సినిమా వాయిదా ఖాయమైంది.

సినిమా వల్ల కాదు… కోర్టు వల్ల

సాధారణంగా రిలీజ్ వాయిదా అంటే టెక్నికల్ డిలే, సెన్సార్, కాపీ ఇష్యూలు అనే అనుమానం వస్తుంది. కానీ ఇక్కడ అసలు సమస్య సినిమాతో సంబంధమే లేదు. ఈ సమస్య 2011లో వచ్చిన ‘దూకుడు’ సినిమాకి సంబంధించిన పాత ఫైనాన్షియల్ డ్యూ.

ఆ సినిమా కోసం Eros International , 14 Reels Entertainment మధ్య ఒప్పందం జరిగింది. తర్వాత చెల్లింపుల విషయంలో వివాదం వచ్చి అర్బిట్రేషన్ వరకు వెళ్లింది. 2019లో తీర్పు వచ్చింది: ₹11.23 కోట్లు ఇవ్వాలి, అప్పు తీర్చేవరకు సినిమా హక్కులు డీల్ చేయొద్దు.

అదే తీర్పు High Court, Division Bench, Supreme Court – అన్ని చోట్ల ఫైనల్ అయ్యింది. కానీ డబ్బు చెల్లించబడలేదు.

ఈ సమయంలో అఖండ 2 ఎంట్రీ.

కొత్త సంస్థ.. కొత్త రిలీజ్ ప్లాన్.. కోర్టు అనుమానం

‘అఖండ 2’ రిలీజ్ 14 Reels Entertainment ద్వారా కాకుండా 14 Reels Plus LLP పేరుతో చేయాలని నిర్ణయించారు. ఇక్కడే విషయం క్లిష్టమైంది.

Eros వాదన:

ఇది అదే కుటుంబం, అదే ప్రమోటర్లు ఈ సంస్థను అల్టర్ ఈగోలా ఉపయోగిస్తున్నారు. ఆదాయం దాచిపెట్టి అప్పు తప్పించుకోవడమే లక్ష్యం. ఇందుకే Eros కోర్టులో Section 9 petitions వేసింది. డబ్బు క్లియర్ చేస్తేనే సినిమా రిలీజ్ అనే అభ్యర్థన. ఒక దశలో Single Judge ఆ పిటిషన్లను డిస్మిస్ చేసి రిలీజ్‌కు గ్రీన్ సిగ్నల్ ఇచ్చినా, Division Bench పూర్తిగా విరుద్ధంగా తీర్పు ఇచ్చింది.

ఇంజంక్షన్: డబ్బు ఇచ్చేవరకు రిలీజ్ లేదు

Division Bench స్పష్టం చేసింది:

Single Judge ఆర్డర్ రద్దు
కేసు మళ్లీ విచారణకు
₹11.23 కోట్లు చెల్లిస్తేనే రిలీజ్

అంటే:

ప్రీమియర్స్ లేదు
థియేటర్స్ లేదు
OTT లేదు
డిస్ట్రిబ్యూషన్ లేదు

అఖండ 2 అధికారికంగా ఆగింది. ఇప్పటికి కొత్త విడుదల తేదీ లేదు.

నిర్మాణ సంస్థ స్పందన , 14 Reels Plus ఎక్స్‌లో ప్రకటించింది:

“అనివార్య కారణాల వల్ల సినిమా షెడ్యూల్ ప్రకారం విడుదల కావడం లేదు. అభిమానులకు నిరాశ కలిగించినందుకు చింతిస్తున్నాం.
సమస్యను త్వరగా పరిష్కరించేందుకు పనిచేస్తున్నాం.”