సినిమా వార్తలు
ప్రభాస్కు గాయం.. ‘ఫౌజీ’ షూటింగ్ నిలిపివేత! గుర్రపు స్వారీ సీన్లో ప్రమాదం.. రెబల్ స్టార్ ఫ్యాన్స్కు షాకింగ్ అప్డేట్!
రెబల్ స్టార్ ప్రభాస్ అభిమానులకు షాకింగ్ న్యూస్. హను రాఘవపూడి దర్శకత్వంలో ప్రతిష్టాత్మకంగా తెరకెక్కుతున్న ‘ఫౌజీ’ (Fauji) సినిమా షూటింగ్లో ప్రమాదం చోటుచేసుకున్నట్లు తెలుస్తోంది. ఈ క్రమంలో ప్రభాస్కు గాయాలు కావడంతో షూటింగ్కు తాత్కాలికంగా బ్రేక్ పడింది. అసలు ప్రమాదం ఎలా జరిగింది? ఇప్పుడు ప్రభాస్ ఆరోగ్యం ఎలా ఉందనే దానిపై సర్వత్రా ఆందోళన నెలకొంది.
గుర్రపు స్వారీ చేస్తుండగా అపశ్రుతి!
ప్రస్తుతం ఈ సినిమా షూటింగ్ కీలక దశలో ఉంది. ఇందులో భాగంగా ఒక భారీ యాక్షన్ సీన్ను చిత్రీకరిస్తున్నారు. గుర్రపు స్వారీకి సంబంధించిన సన్నివేశాన్ని చిత్రీకరిస్తున్న సమయంలో ప్రభాస్ స్వల్పంగా గాయపడినట్లు సమాచారం. భారీ సెట్స్లో, హై వోల్టేజ్ చేజింగ్ సీన్స్ తీస్తున్న సమయంలో ఈ ప్రమాదం జరిగిందట. అయితే, ఇది చాలా చిన్న గాయమేనని, అభిమానులు ఆందోళన చెందాల్సిన అవసరం లేదని మేకర్స్ భరోసా ఇస్తున్నారు. ప్రభాస్ పూర్తిగా సురక్షితంగా ఉన్నారని చిత్రబృందం స్పష్టం చేసింది.
ప్రభాస్ను వెంటాడుతున్న గాయాలు?
గత కొంతకాలంగా ప్రభాస్కు గాయాలు అవ్వడం కామన్గా మారిపోవడం అభిమానులను కలవరపెడుతోంది.
ఇప్పటికే ‘ఫౌజీ’ షూటింగ్లో ఆయన రెండుసార్లు గాయపడినట్లు సమాచారం.
గత ఏడాది జూలైలో ప్రభాస్ కాలికి ఫ్యాక్చర్ కూడా అయ్యింది.
అంతకుముందు కాలికి దెబ్బ తగలడంతో ఇటలీ వెళ్లి సర్జరీ కూడా చేయించుకుని వచ్చారు. ప్రతీసారి ఇలా షూటింగ్లో గాయాలు తగులుతుండటంతో, యాక్షన్ సీన్ల విషయంలో ప్రభాస్ కోసం మేకర్స్ మరిన్ని భద్రతా చర్యలు తీసుకుంటున్నారు.
సైనికుడి పాత్రలో ప్రభాస్ మెరుపులు!
‘సీతారామం’తో మనసు గెలుచుకున్న హను రాఘవపూడి, ఈ సినిమాలో ప్రభాస్ను ఒక పవర్ఫుల్ సైనికుడి పాత్రలో చూపిస్తున్నారు. ఈ సినిమా షూటింగ్ దాదాపు పూర్తి కావచ్చింది. ఇటీవల వచ్చిన ‘రాజా సాబ్’ భారీ డిజాస్టర్ కావడంతో, ప్రభాస్ ఇప్పుడు ‘ఫౌజీ’తో పాటు సందీప్ రెడ్డి వంగా ‘స్పిరిట్’పై పూర్తి దృష్టి పెట్టారు. ఏడాదికి రెండు సినిమాలు విడుదల చేయాలనే టార్గెట్తో ముందుకు సాగుతున్నారు.
చిన్న గాయమే కావడంతో ప్రభాస్ త్వరలోనే కోలుకుని మళ్ళీ షూటింగ్లో పాల్గొనబోతున్నారు. దీంతో అభిమానులు ఊపిరి పీల్చుకుంటున్నారు.
