బాలీవుడ్ నుంచి హాలీవుడ్ వరకు తన జైత్రయాత్ర కొనసాగిస్తున్న గ్లోబల్ స్టార్ ప్రియాంక చోప్రా ఎప్పుడూ వార్తల్లోనే ఉంటారు. ముఖ్యంగా తన కంటే 10 ఏళ్లు చిన్నవాడైన అమెరికన్ సింగర్ నిక్ జోనస్ను పెళ్లాడినప్పటి నుంచి ఈ జంటపై ఏదో ఒక చర్చ జరుగుతూనే ఉంది.
వయసు వ్యత్యాసం వల్ల వీరు త్వరలోనే విడిపోతారని, విడాకులు తీసుకోబోతున్నారంటూ సోషల్ మీడియాలో ట్రోల్స్, రూమర్స్ షికారు చేస్తుంటాయి. అయితే, తాజాగా ప్రియాంక బయటపెట్టిన ఒక ‘బెడ్రూమ్ సీక్రెట్’ ఇప్పుడు నెట్టింట మంటలు పుట్టిస్తోంది!
అది చేయకపోతే నాకు రోజూ గడవదు!
విడాకుల పుకార్లకు తనదైన శైలిలో చెక్ పెట్టిన ప్రియాంక.. నిక్ జోనస్తో తనకున్న రొమాంటిక్ బాండింగ్ గురించి షాకింగ్ విషయాలు వెల్లడించింది.
“ప్రతి ఆదివారం ఉదయం నిద్రలేవగానే మంచం మీద నా భర్తను గట్టిగా కౌగిలించుకోకపోతే.. ఆ రోజు మొదలైనట్టే అనిపించదు. వారం అంతా ఎంత బిజీగా ఉన్నా, సండే మాత్రం బెడ్రూమ్కే పరిమితమై నిక్తో ఏకాంతంగా గడపడం మా ఇంట్లో ఒక సంప్రదాయంగా మారిపోయింది” అని సిగ్గుపడుతూ చెప్పుకొచ్చింది.
ఈ ఒక్క స్టేట్మెంట్తో విమర్శకుల నోళ్లు మూయించిన ప్రియాంక.. తమ మధ్య వయసు గ్యాప్ ఉన్నా, ప్రేమలో మాత్రం ఏమాత్రం తగ్గేదేలేదని నిరూపించింది. పెళ్లై ఏడేళ్లయినా తమ మధ్య రొమాన్స్ ఇంకా ఫ్రెష్గా ఉండటానికి కారణం ఇదేనని ఆమె స్పష్టం చేసింది.
మాల్తీ మేరీతో సంతోషకరమైన జీవితం!
ప్రస్తుతం ఈ జంట తమ గారాల పట్టి మాల్తీ మేరీతో కలిసి అమెరికాలో విలాసవంతమైన జీవితాన్ని గడుపుతున్నారు. విడాకుల రూమర్లను కేవలం మాటలతో కాకుండా, తమ అన్యోన్యతతో కొట్టిపారేస్తున్నారు. చిన్న చిన్న విషయాలకే విడిపోయే హాలీవుడ్ జంటలకు భిన్నంగా నిక్-ప్రియాంక ఒక మోడల్ కపుల్గా నిలుస్తున్నారు.
వారణాసిలో ‘దేసీ గర్ల్’ విశ్వరూపం!
ప్రియాంక చోప్రా క్రేజ్ గురించి ప్రత్యేకంగా చెప్పక్కర్లేదు. హాలీవుడ్ సిరీస్ ‘సిటాడెల్’తో ఇంటర్నేషనల్ లెవల్లో అదరగొట్టిన ఈమె.. ఇప్పుడు మళ్లీ తన మూలాలకు చేరువవుతోంది. తన తదుపరి ప్రాజెక్ట్ కోసం ఆమె వారణాసి వీధుల్లో సందడి చేస్తోంది. అక్కడ ఆమె పోషిస్తున్న పాత్ర అత్యంత పవర్ఫుల్గా ఉండబోతోందని సమాచారం. ఓ పక్క గ్లోబల్ స్టార్గా వెలుగుతూనే, మరోపక్క ఫ్యామిలీ లైఫ్ను ఎంజాయ్ చేస్తున్న ప్రియాంక నిజంగానే ‘మల్టీ టాలెంటెడ్’ క్వీన్!
