సినిమా వార్తలు
‘పుష్ప 2’ కంటే ₹200 కోట్లు ఎక్కువే! బాక్సాఫీస్ వద్ద ‘ధురంధర’ మ్యాజిక్!
భారతీయ చలనచిత్ర పరిశ్రమలో బాక్సాఫీస్ లెక్కలు మారుతున్నాయి. బాలీవుడ్ సెన్సేషన్ రణవీర్ సింగ్ నటించిన లేటెస్ట్ బ్లాక్ బస్టర్ ‘ధురంధర్’ సరికొత్త చరిత్ర సృష్టించింది. ఇప్పటివరకు హిందీ మార్కెట్లో అజేయంగా ఉన్న ‘పుష్ప 2’ (Pushpa 2), ‘జవాన్’ రికార్డులను బద్దలు కొట్టి, గ్లోబల్ బాక్సాఫీస్ వద్ద రారాజుగా నిలిచింది.
పుష్ప 2 కంటే ₹200 కోట్లు ఎక్కువే!
గతంలో ‘పుష్ప 2’ మరియు ‘జవాన్’ సినిమాలు హిందీ మార్కెట్ సహాయంతో ప్రపంచవ్యాప్తంగా సుమారు ₹1050 కోట్ల వసూళ్లను సాధించాయి. అయితే, ‘ధురంధర్’ ఆ మార్కును అలవోకగా దాటేసింది. ఏడో వారంలోనూ ఈ సినిమా స్ట్రాంగ్ బుకింగ్స్తో దూసుకుపోవడం ట్రేడ్ వర్గాలను విస్మయానికి గురిచేస్తోంది.
కలెక్షన్ల లెక్కలివే:
ఇండియా నెట్ కలెక్షన్స్: ₹765 కోట్లు (సుమారు)
ఇండియా గ్రాస్: ₹925 కోట్లు
ఓవర్సీస్ గ్రాస్: ₹300 కోట్లు
మొత్తం వరల్డ్ వైడ్ గ్రాస్: ₹1225 కోట్లు
గల్ఫ్ దేశాల్లో రిలీజ్ లేకపోయినా.. అన్స్టాపబుల్!
ఈ సినిమా సాధించిన ఘనతలో అసలైన విశేషం ఏమిటంటే.. ఇది గల్ఫ్ దేశాల్లో విడుదల కాలేదు. ఒకవేళ అక్కడ కూడా విడుదలై ఉంటే, ఈ సినిమా వసూళ్లు సులభంగా ₹1350 కోట్ల మార్కును చేరుకునేవని విశ్లేషకులు అంచనా వేస్తున్నారు. అయినప్పటికీ, ప్రస్తుత రన్ ముగిసే సమయానికి ఈ చిత్రం ₹1250 కోట్ల మైలురాయిని అధిగమించడం ఖాయంగా కనిపిస్తోంది.
అల్లు అర్జున్ ‘పుష్ప 2’ క్రియేట్ చేసిన హైప్ను సైతం పక్కకు నెట్టి, రణవీర్ సింగ్ తన సత్తా చాటారు. ఒకే భాషలో (Single Language) అత్యధిక వసూళ్లు సాధించిన చిత్రంగా ‘ధురంధర్’ సరికొత్త బెంచ్మార్క్ సెట్ చేసింది.
