ఆస్కార్ చరిత్రలో ఎవరూ ఊహించని అద్భుతం జరిగింది. సాధారణంగా హారర్ సినిమాలకు అవార్డుల రేసులో ప్రాధాన్యత తక్కువగా ఉంటుంది. కానీ, ‘సిన్నర్స్’ (Sinners) అనే సినిమా ఆ అంచనాలను తలకిందులు చేస్తూ ఏకంగా 16 ఆస్కార్ నామినేషన్లను (Oscars 2026) దక్కించుకుంది. గతంలో టైటానిక్, లా లా ల్యాండ్ పేరిట ఉన్న 14 నామినేషన్ల రికార్డును ఇది బద్దలు కొట్టి ప్రపంచ రికార్డు సృష్టించింది.
రూ. 3000 కోట్ల బాక్సాఫీస్ బాద్షా!
వార్నర్ బ్రదర్స్ నిర్మించిన ఈ చిత్రం కేవలం విమర్శకుల ప్రశంసలే కాదు, వసూళ్ల వర్షం కూడా కురిపించింది. బాక్సాఫీస్ వద్ద రూ. 3000 కోట్లకు పైగా వసూలు చేసి, ఈ ఏడాది అత్యధిక వసూళ్లు సాధించిన హాలీవుడ్ చిత్రాల్లో ఒకటిగా నిలిచింది. ఈ సినిమాలో మైఖేల్ బి. జోర్డాన్ తన నటనతో మెప్పించడమే కాకుండా, ఉత్తమ నటుడు, దర్శకుడు, చిత్రంతో పాటు మొత్తం 16 కీలక విభాగాల్లో నామినేషన్లు పొందింది.
కథేంటంటే?
ఇదొక సూపర్ నాచురల్ హారర్ థ్రిల్లర్. కవల సోదరులు (మైఖేల్ బి. జోర్డాన్) ఏళ్ల తర్వాత తమ ఊరికి తిరిగి వస్తారు. కొత్త జీవితం ప్రారంభించాలనుకున్న వారికి అక్కడ ఎదురైన భయంకరమైన పరిస్థితులు, వారి ప్రాణాల కోసం వారు చేసిన పోరాటమే ఈ సినిమా. 2 గంటల 17 నిమిషాల పాటు సాగే ఈ సినిమా ప్రేక్షకులను సీటు అంచున కూర్చోబెడుతుంది.
ఎక్కడ చూడొచ్చు?
(OTT Details) ప్రస్తుతం ఆస్కార్ ఫీవర్తో ఈ సినిమాకు ఓటీటీలో భారీ డిమాండ్ ఏర్పడింది. ఈ సెన్సేషనల్ మూవీ ఇండియాలో జియో హాట్స్టార్ (JioHotstar) ఓటీటీ ప్లాట్ఫారమ్లో అందుబాటులో ఉంది. మీరు హారర్ సినిమాలను ఇష్టపడితే, ఆస్కార్ చరిత్రను తిరగరాసిన ఈ సినిమాను అస్సలు మిస్ కావద్దు!
