సమంతపై ఆరోగ్య రంగం గట్టిగానే విమర్శలు వర్షం కురిపిస్తోంది. తన మయోసైటిస్ వ్యాధి నుంచి కోలుకున్న తరువాత సమంత రూత్ ప్రభు ఆరోగ్య చైతన్య ప్రచారంలో ఎంతో యాక్టివ్‌గా మారారు. “హెల్త్” అనే అంశం చుట్టూ ఆమె పదే పదే పోస్ట్‌లు, పోడ్కాస్ట్‌లు, సెల్ఫ్ కేర్ చిట్కాలు ఇస్తూ ఉన్నారు. కానీ ఇప్పుడు ఆమె ఓ వివాదాస్పద ఆరోగ్య సప్లిమెంట్ను ప్రమోట్ చేసినందుకు, వైద్యులు తీవ్రంగా విమర్శిస్తున్నారు.
‘NMN’ సప్లిమెంట్ ప్రచారమే సమస్యకు కారణం
సమంత ఇటీవల తన ఇన్‌స్టాగ్రామ్‌లో NMN ఆధారిత ఓ హెల్త్ సప్లిమెంట్ గురించి పోస్టు చేశారు. ఆ సప్లిమెంట్ వయస్సుతో పెరిగే అలసట, మానసిక ఒత్తిడిని తగ్గించి ఎనర్జీ లెవెల్స్ పెంచుతుందంటూ చెప్పారు. అయితే దీన్నే కొందరు వైద్యులు “వైజ్ఞానిక ఆధారాలు లేని దందా” అని విమర్శిస్తున్నారు.
“స్నేక్ ఆయిల్ సేల్స్‌మెన్‌లా ప్రవర్తిస్తున్నారంటూ వైద్యుల ఫైర్” ఒక ప్రముఖ వైద్యుడు ఆమెపై తీవ్ర వ్యాఖ్యలు చేస్తూ ఇలా అన్నారు: “ఇది శాస్త్రీయ ఆధారాలు లేని ప్రచారం. ఒకప్పుడు ఊహాగానాలతో ఆయిల్స్ అమ్మే వాళ్ల లాగానే, ఇప్పుడు సెలబ్రిటీలు ఆరోగ్యంపై అనాధారిత సమాచారం ఇచ్చే పరిస్థితి వచ్చింది. సామాజిక బాధ్యత గుర్తుంచుకోవాలి.” అన్నారు.
ఇటీవల సమంత ఒక తెలుగు సినిమా నిర్మాణంలో బిజీగా ఉన్నారంటూ వార్తలొచ్చిన నేపథ్యంలో, ఆమె వ్యక్తిగత బ్రాండ్‌ను వెల్‌నెస్ + సినిమా మిక్స్గా నెట్టించేందుకు ప్రయత్నాలు చేస్తున్నట్టు కనిపిస్తోంది. ఆమె డైరెక్టర్ రాజ్ నిడమూరుతో రిలేషన్ లో ఉందన్న ఊహాగానాలపై మీడియా దృష్టి మళ్లినా, ఇప్పుడు సప్లిమెంట్ వివాదం ఆమెకు కొత్త చిక్కుల పుట్టిలా మారింది.
