రాంచరణ్ 40వ బర్త్ డేను ఆయన అభిమానులు ఘనంగా జరుపుకొన్న సంగతి తెలిసిందే. కేవలం మన తెలుగు రాష్ట్రాల్లోనే కాకుండా రామ్ చరణ్ పుట్టిన రోజును జపాన్ లోకి కూడా జరుపుకున్నారు.
రామ్ చరణ్ అంటే ఎంతో అభిమానం చూపించే ఓ జపాన్ మహిళ తన చీరపై తెలుగులో రాంచరణ్ అని రాయడమే కాకుండా ఆయన ఫొటోను కూడా ముద్రించింది. ఒక టేబుల్‌పై ఆయన ఫొటోలను పెట్టి బర్త్ డేను సెలబ్రేట్ చేసుకుంది.
టీషర్టులపైనా, చీరపైనా, సంచులపైనా రాంచరణ్ ఫొటోలను ముద్రించి అభిమానాన్ని చాటుకుంది. ఇందుకు సంబంధించిన ఫొటోలు సోషల్ మీడియాలో వైరల్ అవుతున్నాయి.
ఇదిలా ఉంటే బుచ్చిబాబు సానా ద‌ర్శ‌కత్వంలో వ‌స్తున్న తాజా చిత్రం ఆర్‌సీ 16. చెర్రీ బర్త్ డేను పురస్కరించుకొని ఆయనకు బర్త్ డే విషెస్ చెబుతూ ఈ సినిమా ఫస్ట్‌లుక్‌ను మేకర్స్ విడుదల చేశారు. ముందుగా అనుకున్న‌ట్టే ఈ సినిమాకు ‘పెద్ది’ అనే టైటిల్‌ను ఖరారు చేశారు.
ఈ మూవీలో చెర్రీ ప‌క్క‌న హీరోయిన్‌గా బాలీవుడ్ నటి జాన్వీ క‌పూర్ న‌టిస్తుండ‌గా… శివ‌రాజ్ కుమార్, బాలీవుడ్ నటుడు దివ్యేందు, జ‌గ‌ప‌తిబాబు త‌దిత‌రులు ఇత‌ర కీల‌క పాత్ర‌ల్లో క‌నిపించ‌నున్నారు. సెన్సేష‌న‌ల్ మ్యూజిక్ డైరెక్ట‌ర్‌ ఏఆర్ రెహమాన్ బాణీలు అందిస్తున్నారు. మైత్రి మూవీ మేకర్స్, వృద్ధి సినిమాస్‌, సుకుమార్ రైటింగ్స్ సంస్థ‌లు సంయుక్తంగా ఈ సినిమాను నిర్మిస్తున్నాయి.
