సినిమా వార్తలు
నిఖిల్ కెరీర్లో రికార్డ్! షాకింగ్ రేటుకు ‘స్వయంభు’ ఓవర్సీస్ రైట్స్
హీరో నిఖిల్ సిద్ధార్థ ప్రధాన పాత్రలో తెరకెక్కుతున్న పీరియడ్ వార్ యాక్షన్ డ్రామా ‘స్వయంభు’ మరోసారి వార్తల్లోకి వచ్చింది. ఇప్పటికే సినిమా మీద ఉన్న హైప్ను నెక్స్ట్ లెవెల్కు తీసుకెళ్లే రిపోర్ట్ బయటకు వచ్చింది. ‘స్వయంభు’ ఓవర్సీస్ రైట్స్ ఏకంగా ₹7 కోట్లుకి అమ్ముడయ్యాయి. ఇది నిఖిల్ కెరీర్లో ఆల్ టైమ్ రికార్డ్. ప్రముఖ సంస్థ PharsFilm ఈ భారీ యాక్షన్ డ్రామాను తీసుకోవడం ఇండస్ట్రీలో పెద్ద చర్చైంది.
అసలు విషయం ఏంటంటే—
సినిమాకు ఇప్పటివరకు ఒక్క ప్రమోషన్ కూడా రాకుండానే ఈ రేంజ్ హైప్ రావడం అరుదైన విషయం! ‘రైజ్ ఆఫ్ స్వయంభు’ వీడియో – నిఖిల్ ఫియర్స్ లుక్ వైరల్. రిలీజ్ డేట్ అనౌన్స్మెంట్తో పాటు విడుదల చేసిన ‘రైజ్ ఆఫ్ స్వయంభు’ అనే స్పెషల్ వీడియో సోషల్ మీడియాలో సునామీలా మారింది. “ఇది నిఖిల్ కెరీర్ బెస్ట్ ప్రాజెక్ట్ అవుతుందేమో!” అనే ఫీలింగ్ కలిగిస్తోంది.
‘కార్తికేయ 2’తో దేశవ్యాప్తంగా గుర్తింపు పొందిన నిఖిల్ ఇప్పుడు మళ్లీ పాన్ వరల్డ్ స్థాయిలో ప్రేక్షకుల ముందుకు రావడానికి సిద్ధమవుతున్నారు. మొదటిసారి దర్శకుడిగా మారుతున్న భరత్ కృష్ణమాచారి దర్శకత్వంలో తెరకెక్కుతున్న ఈ భారీ యాక్షన్ డ్రామా 2026 ఫిబ్రవరి 13న ప్రపంచవ్యాప్తంగా గ్రాండ్గా విడుదల కానుంది. సినిమా మొత్తం ఎనిమిది భాషల్లో విడుదల కానుంది.
తెలుగు, హిందీ, తమిళ్, కన్నడ, మలయాళం, చైనీస్, స్పానిష్, అరబిక్ భాషలలో మూవీని రిలీజ్ చేయనున్నారు. సినిమా షూటింగ్ ఇప్పటికే పూర్తయిందని టీమ్ వెల్లడించింది. విడుదల తేదీ ప్రకటించిన సందర్భంగా, మేకర్స్ ‘రైజ్ ఆఫ్ స్వయంభు’ అనే స్పెషల్ వీడియోను రిలీజ్ చేశారు. ఈ చిత్రంలో సమ్యుక్తా, నభా నటేష్ హీరోయిన్లుగా కనిపించనున్నారు. ఇద్దరి పాత్రలు కూడా ప్రత్యేకంగా డిజైన్ చేసినట్టు సమాచారం.
ఈ భారీ చిత్రాన్ని పిక్సెల్ స్టూడియోస్ బ్యానర్పై భువన్, శ్రీకర్ నిర్మిస్తుండగా, ప్రముఖ నిర్మాత టాగూర్ మధు ఈ సినిమాను ప్రెజెంట్ చేస్తున్నారు. సినిమాటోగ్రఫీ కె.కె. సెంథిల్ కుమార్ కాగా, ఇప్పటికే భారీ చిత్రాలకు కెమెరా వర్క్ అందించిన ఆయన విజువల్స్ ఈ సినిమాకు ప్రధాన ఆకర్షణ కానున్నాయి. రవి బస్రూర్ సంగీతం అందిస్తున్నారు.
యుద్ధ నేపథ్యం, భారీ సెట్స్, ఇంటెన్స్ కథ, పాన్-వరల్డ్ విడుదల ..ఈ అంశాలన్నీ కూడి ‘స్వయంభు’ను నిఖిల్ కెరీర్లో అత్యంత భారీ ప్రాజెక్ట్గా నిలబెడుతున్నాయి. విడుదల తేదీ అనౌన్స్మెంట్ తర్వాత పోస్టర్లు, వీడియోలు సోషల్ మీడియాలో వైరల్ అవుతున్నాయి. 2026 ఫిబ్రవరి వరకు కొత్త అప్డేట్లు, పోస్టర్లు, ట్రైలర్లు వరుసగా విడుదలయ్యే అవకాశం ఉంది.
