తమిళనాడు పాలిటిక్స్లో, సినిమా ఇండస్ట్రీలో ఇప్పుడు ఎక్కడ చూసినా ఒకటే టాపిక్.. దళపతి విజయ్, గ్లామర్ క్వీన్ త్రిష మధ్య ఏదో నడుస్తోందా? గత కొద్ది రోజులుగా నెట్టింట వినిపిస్తున్న ఈ వార్తలు నెటిజన్ల నిద్ర గెలుస్తున్నాయి. ఒక పెళ్లి వేడుకలో వీరిద్దరూ జంటగా కనిపించడంతో అగ్గికి వాయువు తోడైనట్లు రూమర్స్ ఓ రేంజ్లో స్ప్రెడ్ అయ్యాయి. సరిగ్గా విజయ్ రాజకీయాల్లోకి అడుగుపెట్టిన తరుణంలో ఆయన పర్సనల్ లైఫ్ను టార్గెట్ చేస్తూ జరుగుతున్న ఈ ప్రచారంపై సీనియర్ నటి ఖుష్బూ ఒక్కసారిగా విరుచుకుపడ్డారు. ఆమె చేసిన కామెంట్స్ ఇప్పుడు ఇంటర్నెట్ను ఊపేస్తున్నాయి.
విజయ్-త్రిషల మధ్య ఏం జరుగుతోంది?
కొంతకాలంగా విజయ్, త్రిషల మధ్య అనుబంధంపై రకరకాల కథనాలు వైరల్ అవుతున్నాయి. ముఖ్యంగా వీరిద్దరూ కలిసి పబ్లిక్ ఈవెంట్లలో కనిపిస్తుండటంతో రూమర్ రాయుళ్లకు పని దొరికినట్లయింది. విజయ్ తన రాజకీయ ప్రస్థానాన్ని మొదలుపెట్టిన తరుణంలో, ఆయన ఇమేజ్ను డ్యామేజ్ చేసేందుకే ఇలాంటి వార్తలు పుట్టిస్తున్నారనే వాదన కూడా వినిపిస్తోంది. ఈ రచ్చ ఎంతకీ సద్దుమణగకపోవడంతో సీనియర్ నటి, బీజేపీ నేత ఖుష్బూ సుందర్ రంగంలోకి దిగారు.
నోళ్లు మూయండి.. ఖుష్బూ ఫైర్!
విజయ్, త్రిషల ప్రైవేట్ లైఫ్ గురించి జరుగుతున్న చర్చలపై ఖుష్బూ తీవ్రస్థాయిలో మండిపడ్డారు. “ఒక వ్యక్తి వ్యక్తిగత జీవితం సమాజంపై ప్రభావం చూపనప్పుడు, దాని గురించి చర్చించే హక్కు ఎవరికీ లేదు. అది పూర్తిగా వారి ప్రైవేట్ మ్యాటర్” అంటూ ఘాటుగా స్పందించారు. విజయ్ రాజకీయాల్లోకి వచ్చారు కదా అని ఆయన వ్యక్తిగత విషయాలను రోడ్డుపైకి లాగడం ఏమాత్రం పద్ధతి కాదని హితవు పలికారు. ఇద్దరు సెలబ్రిటీలు కలిసి కనిపిస్తే అది అఫైర్ అయిపోతుందా అంటూ సోషల్ మీడియా మేధావుల మైండ్ బ్లాక్ అయ్యేలా ప్రశ్నలు సంధించారు.
సినిమా టు పాలిటిక్స్.. అసలు ట్విస్ట్ ఇదే!
తమిళనాడు అసెంబ్లీ ఎన్నికలు దగ్గర పడుతున్న వేళ విజయ్ వ్యక్తిగత జీవితాన్ని రచ్చ చేయడం వెనుక పెద్ద రాజకీయ కుట్ర ఉందని ఆయన అభిమానులు భావిస్తున్నారు. ఖుష్బూ లాంటి సీనియర్ నేత విజయ్కు మద్దతుగా నిలవడం ఇప్పుడు హాట్ టాపిక్గా మారింది. వ్యక్తిగత స్వేచ్ఛను గౌరవించాలంటూ ఆమె ఇచ్చిన పిలుపుతోనైనా ఈ వివాదానికి ఫుల్స్టాప్ పడుతుందో లేదో చూడాలి. ఏదేమైనా విజయ్-త్రిషల జోడీ వెండితెరపైనే కాదు, సోషల్ మీడియాలో కూడా అరాచకం సృష్టిస్తోంది.
