పెళ్ళిచూపులు, ఈ నగరానికి ఏమైంది సినిమాలతో సెన్సేషన్ క్రియేట్ చేసిన దర్శకుడు తరుణ్ భాస్కర్ ఇప్పుడు వెండితెరపై హీరోగా విశ్వరూపం చూపించడానికి రెడీ అయ్యారు. ఆయన లీడ్ రోల్లో నటిస్తున్న క్రేజీ మూవీ ‘ఓం శాంతి శాంతి శాంతిః’. మలయాళ సూపర్ హిట్ ‘జయ జయ జయ జయ హే’ కి అధికారిక రీమేక్గా వస్తున్న ఈ సినిమాపై ఇండస్ట్రీలో భారీ అంచనాలు ఉన్నాయి. తాజాగా ఈ సినిమా మేకర్స్ ప్రేక్షకులకు అదిరిపోయే ‘గుడ్ న్యూస్’ చెప్పారు!
ప్రీమియర్స్ రోజే ‘బై వన్ గెట్ వన్’ ఆఫర్!
సాధారణంగా సినిమాలకు రిలీజ్ తర్వాత ఆఫర్లు ఉంటాయి. కానీ ‘ఓం శాంతి శాంతి శాంతిః’ టీమ్ ఒక అడుగు ముందుకేసి, జనవరి 29న జరిగే పెయిడ్ ప్రీమియర్స్ కోసం ‘బై వన్ గెట్ వన్’ (1+1) ఆఫర్ను ప్రకటించింది. ముఖ్యంగా జంటల (Couples) కోసం ఈ ఆఫర్ కొన్ని ఎంపిక చేసిన సెంటర్లలో మాత్రమే అందుబాటులో ఉంది.
ఏయే థియేటర్లలో ఈ ఆఫర్ ఉంది?
ఆంధ్రప్రదేశ్లోని ఈ క్రింది థియేటర్లలో మీరు ఒక టికెట్ ధరకే ఇద్దరు సినిమా చూడవచ్చు:
అగనంపూడి: ఏషియన్ ముక్త AC2 సినిమాస్
అమలాపురం: VPC SC 2
మచిలీపట్నం: మినీ రేవతి
అనంతపురం: గౌతమి థియేటర్
రీమేక్ అయినా.. కొత్త మ్యాజిక్ ఖాయం!
ఇటీవల రీమేక్ సినిమాలు అంతగా ఆడటం లేదనే టాక్ ఉన్నప్పటికీ, దర్శకుడు ఏ.ఆర్. సజీవ్ ఈ కథను తెలుగు నేటివిటీకి తగ్గట్టుగా చాలా మార్పులు చేసి తెరకెక్కించారు. ఈ ఫ్యామిలీ డ్రామాలో తరుణ్ భాస్కర్ సరసన ఈషా రెబ్బా హీరోయిన్గా నటించగా, బ్రహ్మాజీ మరియు రోహిణి నోని కీలక పాత్రల్లో అలరించబోతున్నారు. జనవరి 30న ప్రపంచవ్యాప్తంగా విడుదల కాబోతున్న ఈ సినిమా, ప్రీమియర్స్ తోనే బాక్సాఫీస్ వద్ద సౌండ్ చేయడం ఖాయంగా కనిపిస్తోంది.
