అల్లు అర్జున్ గత ఏడాది రిలీజ్ అయిన పుష్ప 2: ది రూల్ సినిమా తో ఇండస్ట్రీ హిట్ అందుకుని రేస్ లో నెంబర్ వన్ ప్లేస్ కు వెళ్లారు. దాదాపుగా రూ.400 కోట్ల రూపాయల బడ్జెట్ తో తెరకెక్కిన ఈ సినిమా రూ.1950 కోట్లు (గ్రాస్) కలెక్ట్ చేసింది. హిందీ వెర్షన్ మాత్రమే బాలీవుడ్ లో దాదాపుగా రూ.1000 కోట్లు పైగా కలెక్ట్ చేసింది. దీంతో పలు రికార్డులు క్రియేట్ చేసింది. దాంతో ఆ ప్రాజెక్టు తర్వాత ఎవరితో చేయబోతున్నారనేది అంతటా హాట్ టాపిక్ గా మారింది. ఈ క్రమంలో అనేక ట్విస్ట్ లు వినపడుతున్నాయి.
వాస్తవానికి పుష్ప 2 తర్వాత బన్నీ ప్రముఖ డైరెక్టర్ త్రివిక్రమ్ శ్రీనివాస్ డైరెక్ట్ చేస్తున్న సినిమాలో నటించాల్సి ఉంది. దీంతో త్రివిక్రమ్ ఇప్పటికే స్టోరీ నేరేషన్ కూడా కంప్లీట్ చేసినట్లు సమాచారం. అయితే అల్లు అర్జున్ నెక్స్ట్ ప్రాజెక్టు జానపదం బ్యాక్ డ్రాప్ లో ఉండబోతున్నట్లు తెలుస్తోంది. అయితే బన్ని చూపు అట్లీ వైపు ఉందని, ఆ సినిమా పూర్తి చేసుకుని వస్తానని త్రివిక్రమ్ తో చెప్పారట.
దాంతో ఇప్పటికే గుంటూరు కారం తర్వాత ఏడాది పైగా గ్యాప్ వచ్చిన త్రివిక్రమ్ మళ్లీ మరో ఏడాది వెయిట్ చెయ్యాలనేది జీర్ణించుకోలేకపోతున్నారట. దాంతో అల్లు అర్జున్ కాకుండా మరో హీరో తో నెక్ట్స్ ప్రాజెక్టు మొదలెట్టేయబోతున్నారట.
దాంతో త్రివిక్రమ్ ని వదిలి అల్లు అర్జున్ ముందుకు వెళ్తున్నారా, లేక అల్లు అర్జున్ ని వదిలి త్రివిక్రమ్ మరో అడుగు ముందుకు వేస్తున్నాడా అనేది హాట్ టాపిక్ గా మారింది.
ఈ విషయం ఇలా ఉండగా గతంలో అల్లు అర్జున్ త్రివిక్రమ్ కాంబినేషన్ లో వచ్చిన జులాయి, అల వైకుంఠపురంలో, స/ఆ సత్యమూర్తి సినిమాలు బాగానే ఆకట్టుకున్నాయి. మరోసారి ఈ కాంబినేషన్ రిపీట్ అవుతుండటంతో బన్నీ ఫ్యాన్స్ ఆసక్తిగా ఎదురు చూస్తున్నారు.
అయితే అల్లు అర్జున్ ఈ సినిమాతో ప్రముఖ డైరక్టర్లు అట్లీ కుమార్, కొరటాల శివతో సినిమాలు చేయనున్నాడు. మరోవైపు బాలీవుడ్ ప్రముఖ డైరెక్టర్ సంజయ్ లీలా భన్సాలీతో కూడా సినిమా చేసేందుకు ఇటీవలే ముంబై వెళ్ళొచ్చినట్లు వార్తలు వినిపిస్తున్నాయి.
