ఇంతవరకూ తెలుగు సినిమా ఇండస్ట్రీలో ఎవ్వరూ ఊహించని విధంగా హనుమాన్ అనే సినిమా 2024లో కలెక్షన్ల తుఫాన్ సృష్టించి రికార్డ్ లు క్రియేట్ చేసింది. కేవలం రూ.40 కోట్ల బడ్జెట్‌తో తెరకెక్కిన ఈ సినిమా, రూ. 300 కోట్లకు పైగా వసూలు చేసి, ప్రశాంత్ వర్మ‌ను ఒక పాన్-ఇండియా దర్శకుడిగా నిలబెట్టింది. అతని వినూత్నమైన మైథాలజికల్ యూనివర్స్ క్రియేషన్‌కు ప్రతి ఒక్కరూ ఫిదా అయ్యారు.
ఇప్పుడు అదే టీమ్ మరింత బిగ్ స్కేల్లో తిరిగి వస్తోంది – జై హనుమాన్ అంటూ!
జై హనుమాన్‌కు పవర్‌ఫుల్ అప్డేట్… రిషభ్ శెట్టి బర్త్‌డేకి ప్లాన్!
తేజ సజ్జా మళ్లీ టైటిల్ రోల్‌లోకి రీ ఎంట్రీ ఇవ్వనున్న ఈ భారీ ప్రాజెక్ట్‌కు సంబంధించి ఇప్పుడు క్రేజీ అప్డేట్ వచ్చింది. కాంతార సినిమాతో దేశవ్యాప్తంగా ప్రేక్షకుల మన్ననలు పొందిన రిషభ్ శెట్టి ఈ సీక్వెల్‌లో కీలక పాత్రలో కనిపించనున్నారు.
అందులోనూ, జూలై 7న రిషభ్ పుట్టినరోజు సందర్భంగా ఓ స్పెషల్ రివీల్ వీడియో రిలీజ్ చేయాలని మేకర్స్ ప్లాన్ చేస్తున్నారు. ఈ విషయాన్ని ఇండస్ట్రీలో ఓ ఇంటర్నల్ సోర్స్ కన్ఫర్మ్ చేసింది. ప్రస్తుతానికి అధికారిక ప్రకటన మాత్రం ఇంకా వెలువడలేదు.
భూషణ్ కుమార్ ప్రెజెంట్ చేస్తున్న జై హనుమాన్ – మళ్లీ మాయ చేయబోతున్న ప్రశాంత్ వర్మ యూనివర్స్?
ఈ సారి T-Series అధినేత భూషణ్ కుమార్ ఈ సినిమాను ప్రెజెంట్ చేయనుండటం విశేషం. ప్రశాంత్ వర్మ మళ్లీ డైరెక్ట్ చేస్తుండటంతో, హనుమాన్ యూనివర్స్‌ను మరింత విస్తృతంగా చూపించే అవకాశం ఉంది. తొలి సినిమాలో తన పవర్‌ఫుల్ స్క్రీన్ ప్రెజెన్స్‌తో ఆకట్టుకున్న తేజ సజ్జా మళ్లీ రీటర్న్ కానున్నాడన్న సంగతి కూడా ఇప్పటికే అధికారికంగా బయటకు వచ్చింది.
జులై 7 – రిషభ్ బర్త్‌డేను ఆసక్తిగా ఎదురుచూద్దాం!
