స్టైలిష్ స్టార్ అల్లు అర్జున్ – మాటల మాంత్రికుడు త్రివిక్రమ్ శ్రీనివాస్‌ కాంబినేషన్‌ అంటే ఓ రేంజి క్రేజ్‌. ‘జులాయి’, ‘సన్నాఫ్ సత్యమూర్తి’, ‘అల వైకుంఠపురములో’ — వరుస హిట్‌లు ఇచ్చిన ఈ జోడీ మళ్లీ కలవబోతోందన్న వార్తలు అభిమానుల ఊహలకు రెక్కలొచ్చాయి. ఈసారి భారీ బడ్జెట్‌ ఫాంటసీ మూవీగా తెరకొస్తుందని ప్రచారం కూడా జరిగింది. ఎప్పుడు మొదలవుతుందా అని ఎదురుచూపులు మొదలయ్యాయి. కానీ ఇప్పుడు ఆ కాంబినేషన్‌పై స్పష్టత వచ్చింది — త్రివిక్రమ్, బన్నీ సినిమా ఇప్పట్లో జరగదు!
ప్రాజెక్ట్‌ క్యాన్సిల్‌ కాలేదు కానీ… పక్కకు పోయింది
అఫీషియల్‌గా ప్రాజెక్ట్‌ను క్యాన్సిల్‌ చేయలేదు కానీ, అది చెప్పలేని కాలం పాటు వాయిదా పడింది. ప్రస్తుత పరిస్థితుల్లో ఆ సినిమా ఎప్పటికీ మొదలవుతుందో తెలియని స్థితి.
ఇతర ప్రాజెక్టులతో బిజీగా ఉన్న బన్నీ — ప్రస్తుతం అట్లీ దర్శకత్వంలో ఓ యాక్షన్ ఎంటర్‌టైనర్‌ చేస్తున్నాడు. ఇదే సమయంలో త్రివిక్రమ్ కూడా ముందుకు సాగిపోయారు. ఇప్పుడు ఆయన వెంకటేష్‌తో ఒక సినిమా ప్లాన్‌ చేస్తున్నారు. ఆ తరువాత రామ్ చరణ్‌తో ప్రాజెక్ట్‌ ఉండే అవకాశముంది. మరోవైపు మరో స్టార్ హీరోతో కూడిన సినిమా కూడా లైన్‌లో ఉంది.
త్రివిక్రమ్ – బన్నీ మధ్య పరిస్థితేంటి?
అధికారికంగా వీరిద్దరూ మంచి ఫ్రెండ్స్‌లే అని చెబుతున్నా… అంతర్గతంగా మాత్రం త్రివిక్రమ్ కొంత అసహనం వ్యక్తం చేసినట్లు సమాచారం. బన్నీ తన కోసం చాలాకాలం వేచి ఉండిపెట్టి, చివరికి అత్లీ ప్రాజెక్ట్‌కి ఓకే చెప్పడంతో త్రివిక్రమ్ కొంత విసిగిపోయారని ఇండస్ట్రీ టాక్‌. ఈ పరిణామాలతో ఆయన వేరే స్టార్‌లతో తన ఫోకస్‌ను మార్చుకున్నారు.
ఈ కాంబినేషన్‌కు ఉన్న క్రేజ్‌ను బట్టి చూస్తే, ఇది ఒక పెద్ద సినిమా గానూ, భారీ హైప్‌ గానూ రూపొందే ప్రాజెక్ట్‌ అయ్యేది. కానీ ప్రస్తుతం మాత్రం అభిమానులు నిరాశ పాలు కావాల్సిన పరిస్థితి. బన్నీ – త్రివిక్రమ్ కాంబోపై ఆశలు పెట్టుకున్నవారికి ఇది కాస్త చేదు వార్తే.
మళ్లీ ఎప్పుడైనా ఈ మ్యాజిక్‌ రిపీట్‌ అవుతుందో లేదో.. వేచి చూడాల్సిందే!
