సోషల్ మీడియా అనేది ఒక అద్భుతం. అది ఒక్కోసారి విషయం అర్థం కాకపోయినా,వేరే రకంగా అర్దం చేసుకున్నా వైరల్ అయ్యేలా చేస్తుంది. ఎట్రాక్ట్ చేస్తుంది. ఇప్పుడు అదే అమితాబ్ విషయంలో జరుగుతోంది.
అసలు విషయానికి వస్తే — ఓ డెన్మార్క్ మహిళ ఫ్రెడెరిక్కె ఇటీవల ఇన్‌స్టాగ్రామ్‌లో పెట్టిన వీడియో ఇప్పుడు భారతీయ నెటిజన్లను నవ్విస్తూ, “అప్పడాల అమితాబ్” అన్న కొత్త బిరుదుని బిగ్‌బీని చేరుస్తోంది!
విషయం ఏంటంటే… ఫ్రెడెరిక్కె ఓ ప్యాకెట్టు అప్పడాన్ని కాల్చి తింటూ, ఆ ప్యాకెట్ మీద ఉన్న అమితాబ్ బచ్చన్ ఫోటోని చూపిస్తూ ఇలా అంటోంది:
“ఈ వ్యక్తి ఎవరు? ఇతను బెస్ట్ అప్పడం తయారుచేస్తున్నాడు! నేపాల్‌లో ఇవి కొన్నాను. డెన్మార్క్‌లో దొరకట్లేదు. ఎవరికైనా ఇది ఎక్కడ దొరుకుతుందో చెబండి… లేదా ఇతనెవరో చెప్పండి!”
ఈ లెవెల్ క్యూట్‌నెస్‌కు నెటిజన్లు స్లోగన్స్ మొదలెట్టారు —
“పప్పడీ బచ్చన్”, “బిగ్ బి అంటే బిగ్ బైట్”, “కౌన్ బనేగా అప్పడాపతి!”
నవ్వించే పాపులారిటీ!
ఫ్రెడెరిక్కె బహుశా బాలీవుడ్ సినిమాలు చూసి ఉండకపోవచ్చు. కానీ ఆమె అమితాబ్ ఉన్న ప్యాకెట్ చూసి, ఆయనే ఈ అప్పడాలు తయారు చేస్తారనీ భావించేసింది! అసలు సంగతి ఏమిటంటే — బిగ్ బీ ఆ బ్రాండ్‌కు బ్రాండ్ అంబాసిడర్ మాత్రమే. కానీ ఆ అమాయకమైన అర్థం చేసుకోలేని అభిమానం ఇప్పుడు నవ్వులు పూయిస్తోంది.
సోషల్ మీడియాలో ట్రెండ్ అవుతున్న కామెంట్స్:
“ఈ లెజెండ్ అప్పడాలు చేస్తే, సమోసా ఎవరు చేస్తారు? షారుక్ ఖాన్?”
చివరగా…
ఈ వీడియో ఇప్పుడు అమితాబ్ దృష్టికి చేరితే, ఆయన శైలిలో ఎలా స్పందిస్తారో చూడాలి —
“ఈ పాపడ్ ముఝ్‌సే నహీన్… ముఝ్‌కో పాపడ్ నే బనాయా!” అన్నట్లుగా ఏదైనా ఫన్నీ ట్వీట్ వేయవచ్చు!
