సినీ ఇండస్ట్రీలో హీరో–హీరోయిన్ల మధ్య ఎఫైర్స్, రొమాన్స్‌లు, రూమర్స్ అనేవి చాలా సాధారణం. ముఖ్యంగా బాలీవుడ్‌లో అయితే ఇవి తరచూ బయటకు వస్తుంటాయి. చాలామంది నటీనటులు ఒకరితో రిలేషన్ కొనసాగించి, చివరికి ఇంకొకరిని పెళ్లి చేసుకోవడం కూడా అక్కడ కొత్తేమీ కాదు.
ఇక, ఆధునికత పేరుతో చాలా మంది స్టార్‌లు శృంగారం వంటి విషయాలపై కూడా బహిరంగంగానే మాట్లాడుతున్నారు. అలాంటి ఒక సంఘటన ఇటీవల బాలీవుడ్‌లో చర్చనీయాంశమైంది. ఓ హీరోయిన్ కన్యత్వం గురించి బోల్డ్ స్టేట్‌మెంట్ ఇచ్చిందంటూ హడావిడి జరిగింది. “కన్యత్వం అనేది ఒక్క రాత్రిలోనే పోతుంది. దాని కోసం పెద్దగా పట్టించుకోవాల్సిన అవసరం లేదు” అని ఆమె వ్యాఖ్యానించిందన్న వార్తలు వెలువడ్డాయి. ఈ కామెంట్స్ చేసినది మరెవరో కాదు, ప్రియాంక చోప్రా అనే వార్తలు అప్పట్లో హాట్ టాపిక్ అయ్యాయి.
ప్రస్తుతం ప్రియాంక, మహేష్ బాబు–రాజమౌళి కాంబినేషన్‌లో రూపొందుతున్న సినిమాలో నెగిటివ్ షేడ్ ఉన్న పాత్రలో కనిపించబోతుందనే వార్తలు వినిపిస్తున్నాయి. ఇదే సమయంలో ఆమె మహిళల కన్యత్వంపై చేసినట్లు ప్రచారం జరిగిన వ్యాఖ్యలు పెద్ద చర్చకు దారితీశాయి. “భార్య తప్పనిసరిగా వర్జిన్‌గా ఉండాలి అని చాలామంది పురుషులు అనుకుంటారు. కానీ అది పెద్ద విషయం కాదు. వర్జినిటీ అనేది ఒక రాత్రిలోనే పోతుంది. దాని కంటే మనసుకు నచ్చిన వ్యక్తి జీవిత భాగస్వామిగా రావడం ముఖ్యం” అని ఆమె చెప్పినట్లు మీడియాలో కథనాలు వచ్చాయి.
అయితే తాజాగా ఈ విషయంపై ప్రియాంక స్వయంగా స్పందించింది. ఆ వ్యాఖ్యలతో తనకు ఎలాంటి సంబంధం లేదని, తాను అలాంటి మాటలు ఎప్పుడూ చెప్పలేదని క్లారిటీ ఇచ్చింది.
ప్రియాంక చోప్రా స్టార్‌డమ్ గురించి ప్రత్యేకంగా చెప్పాల్సిన అవసరం లేదు. చిన్నతనం నుంచే నటనపై ఆసక్తి చూపిన ఆమె, చదువు పూర్తయ్యాక మోడలింగ్‌లో అడుగుపెట్టింది. 2000లో మిస్ వరల్డ్ టైటిల్ గెలుచుకోవడంతో ఒక్కసారిగా ప్రపంచవ్యాప్తంగా గుర్తింపు తెచ్చుకుంది. ఆ విజయంతో బాలీవుడ్‌లో ఆమెకు వరుసగా అవకాశాలు లభించాయి. తమిళంలో తమిజన్ సినిమాతో తెరంగేట్రం చేసినా, నిజమైన పేరు, గుర్తింపు మాత్రం బాలీవుడ్ ద్వారానే సంపాదించింది.
