‘మన శంకర వరప్రసాద్ గారు’ పై మండిపడుతున్న తమిళ తంబీలు!కోలీవుడ్ లో తక్కాలి తొక్కా రచ్చ!

లేడీ సూపర్ స్టార్ నయనతార.. ఈ పేరు వింటేనే ఒక రేంజ్ ‘ఆటిట్యూడ్’ గుర్తొస్తుంది. పదేళ్లుగా ఆమె ఒక స్ట్రిక్ట్ రూల్ ఫాలో అవుతున్నారు.. అదే ‘నో ప్రమోషన్ పాలసీ’. ఏ సూపర్ స్టార్ సినిమా అయినా, తన సొంత లేడీ ఓరియెంటెడ్ సినిమా అయినా సరే.. ప్రమోషన్లకు రావడం, ఇంటర్వ్యూలు ఇవ్వడం నయన్ డిక్షనరీలోనే లేదు. కానీ ఇప్పుడు మెగాస్టార్ చిరంజీవి కోసం ఆమె ఆ ‘ఐరన్ రూల్’ ని బద్దలు కొట్టేసింది!

తమిళనాట నిప్పులు చెరుగుతున్న ఫ్యాన్స్!

మెగాస్టార్ చిరంజీవి నటించిన ‘మన శంకర వరప్రసాద్ గారు’ సినిమా ప్రమోషన్లలో నయనతార యాక్టివ్ గా పాల్గొనడం ఇప్పుడు కోలీవుడ్ లో సెన్సేషన్ గా మారింది. రీసెంట్ గా అనిల్ రావిపూడితో కలిసి ఆమె చేసిన ప్రమోషనల్ వీడియో చూసి తమిళ తంబీలు తట్టుకోలేకపోతున్నారు.

“తమిళ సినిమాలు అంటే మీకు అంత చులకనా? ఇక్కడ ఉన్న స్టార్ హీరోల సినిమాలకు రానిది.. అక్కడ మెగాస్టార్ కోసం ఎలా వస్తావు? మాకు మీరు ఇచ్చే వాల్యూ తక్కాలి తొక్కా (టమాటా పచ్చడి) లాగా ఉంది” అంటూ సోషల్ మీడియాలో ట్రోల్స్ తో విరుచుకుపడుతున్నారు.

మెగా ఫ్యామిలీతో ‘నయన్’ ఫ్యామిలీ బాండింగ్!

నయనతారకు చిరంజీవి అంటే కేవలం ఒక కో-స్టార్ మాత్రమే కాదు.. ఆయన కుటుంబంలో ఒక సభ్యురాలిగా మారిపోయారు. ‘సైరా’, ‘గాడ్ ఫాదర్’ తర్వాత ఇప్పుడు ‘మన శంకర వరప్రసాద్ గారు’ తో వీరిద్దరిది హ్యాట్రిక్ కాంబినేషన్.

దీపావళి పార్టీ: మొన్నటి దీపావళికి చిరంజీవి హోస్ట్ చేసిన గ్రాండ్ పార్టీకి నయనతార తన భర్త విగ్నేష్ శివన్, పిల్లలతో కలిసి హాజరయ్యారు.

ఉపాసన సీమంతం:

గతంలో ఉపాసన కొణిదెల రెండో సీమంతం వేడుకలో కూడా నయన్ స్పెషల్ అట్రాక్షన్ గా నిలిచారు. ఇలా మెగా ఫ్యామిలీతో ఉన్న పర్సనల్ బాండింగ్ వల్లే నయనతార తన దశాబ్ద కాలపు రూల్ ని పక్కన పెట్టి, చిరంజీవి కోసం ప్రమోషన్లలో పాల్గొంటున్నారని ట్రేడ్ వర్గాలు అంటున్నాయి.

ప్రీ-రిలీజ్ ఈవెంట్ లో ‘లేడీ సూపర్ స్టార్’ సందడి!

ఇంకో అదిరిపోయే అప్‌డేట్ ఏంటంటే.. ఈరోజు హైదరాబాద్ లో జరగబోయే గ్రాండ్ ప్రీ-రిలీజ్ ఈవెంట్ కి కూడా నయనతార హాజరు కాబోతున్నారు. స్టేజ్ పై ఆమె మెగాస్టార్ గురించి ఏం మాట్లాడబోతుందో అని అటు మెగా ఫ్యాన్స్, ఇటు తమిళ ఆడియన్స్ ఈగర్ గా వెయిట్ చేస్తున్నారు. అనిల్ రావిపూడి తన ‘మాస్టర్ స్ట్రోక్’ తో నయనతారను ప్రమోషన్లలోకి తీసుకురావడం ఈ సంక్రాంతికి సినిమాకు భారీ హైప్ తెచ్చిపెట్టింది.