టాలీవుడ్లో ఒక్కసారిగా హాట్ టాపిక్గా మారిన ఓ వార్త ఇప్పుడు అభిమానుల్లో క్యూరియాసిటీ పెంచుతోంది. వరుస హిట్లతో దూసుకుపోతున్న యంగ్ హీరో తేజ సజ్జా నిజంగానే ‘జై హనుమాన్’ నుంచి తప్పుకున్నాడా అనే ప్రశ్న ఇండస్ట్రీ వర్గాల్లో చర్చకు వచ్చింది.
‘హనుమాన్’ లాంటి భారీ బ్లాక్బస్టర్తో దేశవ్యాప్తంగా గుర్తింపు తెచ్చుకున్న తేజ సజ్జా, ఆ తర్వాత ‘మిరాయ్’తో కూడా సాలిడ్ హిట్ కొట్టాడు. ఈ రెండు సినిమాలతో అతని కెరీర్ ట్రాక్ మారిపోయిందనే చెప్పాలి. ఇదే సమయంలో ‘హనుమాన్’ దర్శకుడు ప్రశాంత్ వర్మ ఆ సినిమాకు సీక్వెల్గా ‘జై హనుమాన్’ను ప్రకటించగా, అంచనాలు భారీగా పెరిగాయి. ప్రస్తుతం ఈ సినిమాకు సంబంధించిన ప్రీ-ప్రొడక్షన్ పనులు జరుగుతున్నాయి.
అయితే, ఈ సీక్వెల్లో తేజ సజ్జా లేడన్న వార్త ఇప్పుడు షాక్ ఇస్తోంది. ‘జై హనుమాన్’ కథ మొత్తం శ్రీహనుమాన్ పాత్ర చుట్టూనే తిరుగుతుందని, అందుకే కన్నడ సూపర్స్టార్ రిషబ్ శెట్టి ను లీడ్ రోల్కు ఫైనల్ చేశారనే సమాచారం ఇప్పటికే బయటికి వచ్చింది. వచ్చే ఏడాది ప్రారంభంలో షూటింగ్ కూడా మొదలుకానుంది. ఈ నేపథ్యంలో తేజ సజ్జా ఈ ప్రాజెక్ట్లో భాగం కాదని టాలీవుడ్ వర్గాలు గట్టిగా చెబుతున్నాయి.
తేజ సజ్జా బయటకు రావడానికి అసలు కారణాలు ఏంటన్నది మాత్రం ఇంకా స్పష్టంగా తెలియలేదు. కొందరు ఇది కథా పరమైన నిర్ణయమని అంటుండగా, మరికొందరు అతని పాత్ర చాలా పరిమితంగా ఉండటంతోనే తేజ ఈ ప్రాజెక్ట్ నుంచి తప్పుకున్నాడని గుసగుసలాడుతున్నారు. ఇదే సమయంలో, అతను పూర్తిగా ఇతర భారీ ప్రాజెక్టులపై ఫోకస్ పెట్టాడనే టాక్ కూడా వినిపిస్తోంది.
ప్రస్తుతం తేజ సజ్జా ‘జాంబీ రెడ్డి’ సీక్వెల్తో పాటు ‘మిరాయ్’ సీక్వెల్లపై దృష్టి పెట్టినట్టు సమాచారం. ఈ రెండు సినిమాలను కూడా People Media Factory నిర్మించనుండగా, తేజ సజ్జా స్వయంగా స్క్రిప్ట్ సెషన్స్లో పాల్గొంటున్నాడట. ‘జాంబీ రెడ్డి 2’ షూటింగ్ వచ్చే ఏడాది ప్రారంభంలోనే మొదలుకానుందని కూడా టాక్.
మొత్తానికి, ‘జై హనుమాన్’ నుంచి తేజ సజ్జా తప్పుకోవడం నిజమేనా? లేక ఇది కేవలం రూమర్ మాత్రమేనా? అన్నది అధికారిక ప్రకటన వచ్చే వరకూ సస్పెన్స్గా మారింది. కానీ ఒక విషయం మాత్రం స్పష్టం. తేజ సజ్జా తన కెరీర్ను చాలా జాగ్రత్తగా ప్లాన్ చేస్తూ, లిమిటెడ్ రోల్స్ కంటే సోలో ఫోకస్ ఉన్న సినిమాలకే ప్రాధాన్యం ఇస్తున్నాడన్న అభిప్రాయం ఇండస్ట్రీలో బలంగా వినిపిస్తోంది.
