ఓరిడియమ్మ బంటీ.. రూ. 120 కోట్లు కేవలం పీఆర్ స్టంటా?

‘KGF’ సిరీస్‌తో పాన్-ఇండియా లెవల్‌లో సెన్సేషన్ క్రియేట్ చేసిన రాకింగ్ స్టార్ యష్ (Yash), ఇప్పుడు ‘టాక్సిక్’ (Toxic) తో ప్రేక్షకుల ముందుకు వచ్చేందుకు సిద్ధమవుతున్నారు. మార్చి 19న విడుదల కాబోతున్న ఈ సినిమా చుట్టూ ఇప్పుడు ఒక ఆసక్తికరమైన చర్చ మొదలైంది. అదే ‘టాక్సిక్’ తెలుగు రాష్ట్రాల థియేట్రికల్ హక్కుల వ్యవహారం.

దిల్ రాజు మాస్టర్ ప్లాన్.. రూ. 120 కోట్లు నిజమేనా?

స్టార్ ప్రొడ్యూసర్ దిల్ రాజు ఏకంగా రూ. 120 కోట్లు పెట్టి ‘టాక్సిక్’ తెలుగు రైట్స్ కొనుగోలు చేశారనే వార్త ఇప్పుడు ఇండస్ట్రీని షేక్ చేస్తోంది. అయితే, ఈ నంబర్ విన్న ట్రేడ్ వర్గాల్లో ఒకటే సందేహం.. ఒక డబ్బింగ్ సినిమాకు దిల్ రాజు ఇంత రిస్క్ చేస్తారా? అని. అదీ కూడా పోటీగా ‘ధురంధర్’ (Dhurandhar) లాంటి భారీ సినిమాలు బరిలో ఉన్నప్పుడు ఇంత భారీ మొత్తం పెట్టడం సాధ్యమేనా అనే చర్చ నడుస్తోంది.

హైప్ కోసమే ఈ అంకెల గారడీ?

సోషల్ మీడియాలో వినిపిస్తున్న వాదనల ప్రకారం.. సినిమాకు బజ్ పెంచడం కోసమే ఈ రూ. 120 కోట్ల నంబర్‌ను కావాలని ప్రచారంలోకి తెచ్చారని కొందరు అంటున్నారు. ఒకరకమైన ‘పీఆర్ స్టంట్’ (PR Stunt) ద్వారా తెలుగు సర్కిల్స్‌లో సినిమాపై అంచనాలు పెంచడమే వీరి వ్యూహమని విశ్లేషకులు భావిస్తున్నారు. ఎందుకంటే, ఈ సినిమా విడుదలైన వారం రోజులకే పవన్ కళ్యాణ్ ‘ఉస్తాద్ భగత్ సింగ్’ (Ustaad Bhagat Singh) బాక్సాఫీస్ పై దండెత్తబోతోంది. అంత పోటీ మధ్య ఇంత భారీ రేటు పలకడం అసాధ్యమనేది నెటిజన్ల మాట.

నిజాం కోసమే ఈ బెట్టింగ్?

మరోవైపు, నిజాం ఏరియాలో ఇటీవల మారిన పంపిణీ లెక్కల వల్ల దిల్ రాజు తన పట్టు నిరూపించుకోవడానికి ‘టాక్సిక్’ సినిమాను ఒక ఆయుధంగా వాడుకుంటున్నారని కూడా టాక్ వినిపిస్తోంది. ఒకవేళ నష్టాలు వచ్చినా రీఫండ్ డీల్స్ ఉంటాయని, కానీ ఆ ప్రక్రియకు టైమ్ పడుతుందని ట్రేడ్ వర్గాలు చెబుతున్నాయి.