రవితేజ కొత్త సినిమా టైటిల్ షాక్ ఇచ్చింది… ఇది అలాంటి మూవీ ఆ?

మాస్ మహారాజ్ రవితేజకి ఇది కీలక దశ. “రావణాసుర,” “ఈగిల్,” “మాస్ జాతర” లాంటి సినిమాలు ఆశించిన స్థాయిలో ఆడియన్స్‌ని ఆకట్టుకోకపోవడంతో, ఇప్పుడు ఆయన తన దిశను మార్చుకుంటున్నాడు. రవితేజ మళ్లీ కొత్త జానర్‌ వైపు మొగ్గుచూపుతున్నాడు — ఈసారి రియలిస్టిక్ టచ్ ఉన్న డ్రామా!

సైలెంట్‌గా మొదలైన శివ నిర్వాణ ప్రాజెక్ట్

ఎటువంటి హడావుడీ లేకుండా, శివ నిర్వాణ దర్శకత్వంలో రవితేజ కొత్త సినిమా షూటింగ్ ప్రారంభమైంది. మొదటి షెడ్యూల్ ఇప్పటికే పూర్తి కూడా అయిపోయిందట. శివ నిర్వాణ కథల్లో ఉండే ఎమోషనల్ ఇంటెన్సిటీకి, రవితేజ ఎనర్జీ కలిస్తే… ఇది ఆయన కెరీర్‌లో ఓ కొత్త షేడ్స్ చూపించే సినిమా అవుతుందనే టాక్ మొదలైంది.

‘ఇరుముడి’ టైటిల్ టాక్ – మాస్ కంటే డెప్త్?

ఈ ప్రాజెక్ట్‌కు మేకర్స్ పరిశీలిస్తున్న టైటిల్ “ఇరుముడి” — ఇది రవితేజ కెరీర్‌లోనే చాలా డిఫరెంట్‌గా ఉంది. భక్తి, ప్రయాణం, అంతరంగం కలిసిన ఈ పదం సినిమాకి ఓ సింబాలిక్ మీనింగ్ ఇస్తుందట. అంటే, ఇది మామూలు మాస్ యాక్షన్ సినిమా కాకుండా, ఒక భావోద్వేగ ప్రయాణం కానుంది అని ఇండస్ట్రీ టాక్.

ప్రియా భవాని శంకర్ ఇందులో హీరోయిన్‌గా నటిస్తోంది. ఆమె పాత్ర కూడా కీలకమైందట — కేవలం రొమాన్స్ కోసం కాకుండా, కథలో డెప్త్ ఇచ్చే రోల్ అని చెబుతున్నారు.

రవితేజ ప్రాఫిట్ షేరింగ్ మోడల్ – హిట్ మీదే ఫోకస్!

ఈ సినిమా కోసం రవితేజ భారీగా డేట్స్ కేటాయించాడట. కానీ ఈసారి రవితేజ రెమ్యునరేషన్ మోడల్ కూడా చేంజ్ చేసుకున్నాడు — ప్రాఫిట్ షేరింగ్ సిస్టమ్‌లో పనిచేస్తున్నాడట. అంటే సినిమా హిట్ అయితేనే ఆయనకు లాభం. ఇది రవితేజ సీరియస్ కమిట్‌మెంట్‌ని చూపిస్తున్న సూచనగా చెబుతున్నారు.

మైత్రీ మూవీ మేకర్స్ నిర్మిస్తున్న ఈ ప్రాజెక్ట్‌ని 2026 సమ్మర్ రిలీజ్‌కి ప్లాన్ చేస్తున్నారు.
ఇప్పుడు ప్రశ్న ఏంటంటే —
“ఇరుముడి” రవితేజకు ఇమేజ్ రీబర్త్ అవుతుందా? లేక వరుస ఫ్లాప్స్ లిస్టులో మరో పేరు చేరుతుందా?”