పవన్ కళ్యాణ్ తాజా మూవీ ‘OG’ ఎంత హైప్ ఉందో ప్రత్యేకంగా చెప్పాల్సిన పనిలేదు. ఆయన కెరీర్‌లోనే ఈ మధ్యకాలంలో ఇంత క్రేజ్ తెచ్చుకున్న చిత్రం మరొకటి లేదు. ఇప్పటిదాకా కేవలం సినిమాకి సంభందించి ఒక్క గ్లింప్స్ మాత్రమే విడుదల అయ్యాయి. అయినా భారీ సంచ‌ల‌నాన్ని సృష్టించింది. ప్రస్తుతం పోస్ట్ ప్రొడక్షన్ పనులు జరుపుకుంటోన్న ఈ చిత్రం కోసం అభిమానులు భారీ ఉత్సాహంతో ఎదురుచూస్తున్నారు. దాంతో బిజినెస్ కూడా ఆ రేంజిలో జరుగుతోంది.
ట్రేడ్ నుంచి అందుతున్న సమాచారం మేరకు ‘OG’ నిజాం రైట్స్ రికార్డు ధరైన 90 కోట్ల రూపాయలకు విక్రయించబడ్డాయని తాజా సమాచారం. ఈ అద్భుతమైన డీల్‌ను టాప్ నిర్మాతలలో ఒకరు కొనుగోలు చేశారట.
స్పష్టంగా తెలిసిన విషయం ఏమిటంటే, ‘They Call Him OG’ అనే ట్యాగ్‌లైన్‌తో ఈ చిత్రం సెప్టెంబర్ 25న విడుదల కానుంది. ఈ రోజు ఒకే ఒక్క చిత్రం రిలీజ్ కాబట్టి, భారీ బ్లాక్‌బస్టర్ అయ్యే అవకాశం ఉంది. మొదటి రోజు టికెట్ల అమ్మకాలు మరియు మొత్తం గ్రాస్‌లో కొత్త రికార్డులు ఏర్పడుతాయని అభిమానులు భారీ అంచనాలు పెడుతున్నారు.
డైరెక్టర్ సుజీత్ దర్శకత్వంలో రూపొందుతున్న ఈ చిత్రాన్ని ప్రముఖ నిర్మాత డీవీవీ దానయ్య నిర్మిస్తున్నారు. బాలీవుడ్ నటుడు ఎమ్రాన్ హష్మీ విరోధ పాత్రలో నటిస్తున్నాడు. ప్రియాంక అరుల్ మొహన్ హీరోయిన్ గా, అర్జున్ దాస్, ప్రకాశ్ రాజ్, శ్రేయ రెడ్డి కీలక పాత్రలు పోషిస్తున్నారు. ఈ చిత్రానికి సంగీతం థమన్ ఎస్ అందిస్తున్నారు.
‘OG’ ఈసారి పవన్ కళ్యాణ్ అభిమానులకు ఏ రకమైన సర్ప్రైజ్‌లు, ఎమోషనల్ ఎలిమెంట్స్ తో హైప్ తీసుకురానుందో వేచి చూడాల్సిందే!
