ప్రస్తుతం రామ్ చరణ్ ప్రస్తుతం ‘RC 16’ షూటింగ్లో బిజీగా ఉన్న సంగతి తెలిసిందే. ‘ఉప్పెన’ డైరెక్టర్ బుచ్చిబాబు సానా తెరకెక్కిస్తున్న ఈ చిత్రం ప్రస్తుతం శరవేగంగా షూటింగ్ జరుపుకుంటోంది. అయితే రీసెంట్గా ఆయన ముంబయికి వెళ్లారు. అక్కడ ఓ యాడ్ షూట్లో పాల్గొన్నారు. అంతేకాదు అక్కడో ఓ డైరక్టర్ కథ విని ఓకే చేసారని ఓ వార్త తెగ ట్రెండ్ అవుతోంది. ఆ డైరక్టర్ ఎవరు…అసలు ఆ వార్తలో నిజమెంత ?
ఆ దర్శకుడు మరెవరో కాదు 2024లో ‘కిల్’ అనే హై వోల్టేజ్‌ యాక్షన్ మూవీతో సూపర్ హిట్ ఇచ్చిన నిఖిల్ నగేశ్ భట్ . ఈ సినిమాకి ఏకంగా అంతర్జాతీయ స్థాయిలో గుర్తింపు లభించింది. దీంతో ఇప్పుడు తన డ్రీమ్ ప్రాజెక్ట్ కోసం సిద్ధమవుతున్నారు. అయితే దీని కోసం ఆయన రామ్ చరణ్ ని కలిసి కథ చెప్పినట్లు తెలుస్తోంది.
అయితే రామ్ చరణ్ తో ఓ భారీ పౌరాణిక ఇతిహాసం తీయడానికి ప్లాన్‌ చేస్తున్నారట.ఈ ప్రాజెక్ట్ భారతీయ పురాణాలలో అత్యంత కీలకమైన పాత్రల ఆధారంగా తెరకెక్కుతుందని తెలిసింది.
ప్రీ-విజువలైజేషన్ ఇప్పటికే పూర్తి కావడం వల్ల ఈ ప్రతిష్టాత్మక వెంచర్‌లో చరణ్‌తో కలిసి పనిచేయడానికి ప్రొడక్షన్ టీమ్ ఉత్సాహంగా ఉందంటూ తాజాగా ఓ ఇంటర్వ్యూలో తెలిపారు మేకర్స్.
అయితే ఈ ప్రాజెక్ట్ పై రామ్ చరణ్ ఇంకా తుది నిర్ణయం తీసుకోలేదని తెలుస్తోంది. అయితే ఈ పౌరాణిక సినిమాకి ముందు డైరెక్టర్ నిఖిల్, నిర్మాత మురాద్ ఖేతానితో మరో సినిమా చేయడానికి కమిట్ అయ్యారట.
