బాక్సాఫీస్ వద్ద నెక్స్ట్ లెవల్ బాజా.. 2026లో ప్రేక్షకులు ప్రాణమిచ్చే సినిమాలు ఇవే! ఐఎండీబీ లిస్టులో ఎవరు టాప్?
సినిమా ప్రియులకు 2026 ఒక విందు భోజనంలా ఉండబోతోంది. ఇండియన్ సినిమా స్థాయిని పెంచే భారీ బడ్జెట్ చిత్రాలు, సీక్వెల్స్ లైన్ లో ఉన్నాయి. తాజాగా ప్రముఖ మూవీ డేటాబేస్ సంస్థ IMDB, తన వెబ్ సైట్ ను సందర్శించే 25 కోట్ల మంది నెటిజన్ల ఆసక్తిని బట్టి ‘2026 మోస్ట్ అవైటెడ్ ఇండియన్ ఫిల్మ్స్’ టాప్ 20 జాబితాను విడుదల చేసింది. ఇందులో సౌత్ సినిమాల జోరు కనిపిస్తున్నా, నంబర్ వన్ ప్లేస్ మాత్రం బాలీవుడ్ కింగ్ ఖాన్ కే దక్కింది.
నెం.1 స్థానంలో ‘కింగ్’ షారూఖ్!
దాదాపు మూడేళ్ల గ్యాప్ తర్వాత థియేటర్లలోకి రాబోతున్న బాద్షా షారూఖ్ ఖాన్ యాక్షన్ థ్రిల్లర్ ‘కింగ్’ (King) ఈ జాబితాలో అగ్రస్థానంలో నిలిచింది. తన కుమార్తె సుహానా ఖాన్తో కలిసి షారూఖ్ నటిస్తుండటంతో ఈ సినిమాపై ప్రపంచవ్యాప్తంగా భారీ అంచనాలు ఉన్నాయి.
టాప్-5 లో ఉన్న క్రేజీ సినిమాలు:
కింగ్ (King): షారూఖ్ ఖాన్ – సిద్ధార్థ్ ఆనంద్ కాంబో.
రామాయణ్ పార్ట్ 1 (Ramayana): రణబీర్ కపూర్, సాయి పల్లవి, యశ్ ప్రధాన పాత్రల్లో నితేష్ తివారీ విజువల్ వండర్.
జన నాయగన్ (Jana Nayagan): దలపతి విజయ్ చివరి సినిమాగా ప్రచారంలో ఉన్న ఈ చిత్రంపై సౌత్ లో భారీ క్రేజ్ ఉంది.
స్పిరిట్ (Spirit): ప్రభాస్ – సందీప్ రెడ్డి వంగా కాంబినేషన్ కోసం డార్లింగ్ ఫ్యాన్స్ కళ్లు కాయలు కాచేలా ఎదురుచూస్తున్నారు.
టాక్సిక్ (Toxic): ‘కేజీఎఫ్’ తర్వాత రాఖీ భాయ్ యశ్ చేస్తున్న మాస్ యాక్షన్ ఎంటర్టైనర్.
సౌత్ వర్సెస్ నార్త్:
ఈ జాబితాలో మొత్తం 20 సినిమాల్లో 10 బాలీవుడ్ చిత్రాలు ఉండగా, తెలుగు నుంచి 5 (స్పిరిట్, ఫౌజీ, ది ప్యారడైజ్, పెద్ది, డ్రాగన్) సినిమాలు చోటు దక్కించుకున్నాయి. తమిళం నుంచి 3, కన్నడ మరియు మలయాళం నుంచి ఒక్కో సినిమా నిలిచాయి.
సల్మాన్ ఖాన్ ‘బాటిల్ ఆఫ్ గల్వాన్’, రణవీర్ సింగ్ ‘ధురంధర్ 2’, సన్నీ డియోల్ ‘బార్డర్ 2’ వంటి చిత్రాలు కూడా టాప్ 10 లో నిలిచి 2026 బాక్సాఫీస్ వార్ ఎంత రంజుగా ఉండబోతుందో హింట్ ఇస్తున్నాయి.
