ఒక చిన్న ఈగను పెట్టి సినిమా తీస్తానంటే అప్పట్లో అందరూ నవ్వుకున్నారు. కానీ అదే ఈగ బాక్సాఫీస్ దగ్గర సృష్టించిన సునామీ ప్రపంచానికే తెలుసు. అసలు ఈ సినిమా వెనుక రాజమౌళి చేసిన పోరాటం, ఆయన పడ్డ కష్టం వింటే గూస్బంప్స్ రావాల్సిందే. టాలీవుడ్ స్టార్ ప్రొడ్యూసర్ డి. సురేష్ బాబు తాజాగా రివీల్ చేసిన కొన్ని షాకింగ్ నిజాలు సోషల్ మీడియాలో సెన్సేషన్ క్రియేట్ చేస్తున్నాయి.
లో బడ్జెట్ నుంచి పాన్ ఇండియా రేంజ్ దాకా!
మొదట రాజమౌళి ఒక చిన్న కథ ఉందని, టైట్ బడ్జెట్ లో చేద్దామని సురేష్ బాబు దగ్గరికి వెళ్ళారు. కానీ ఆ కథను విన్న తర్వాత సురేష్ బాబు ఇది చిన్న సినిమా కాదు, భారీగా తీయాల్సిందే అని ఫిక్స్ అయ్యారు. అక్కడి నుంచే అసలైన విజువల్ వండర్ మొదలైంది. రాజమౌళి పగలు షూటింగ్ లో ఉండేవారు, సాయంకాలం కాగానే సిజీ (CG) ఆఫీస్ కు వెళ్లి ఆ చిన్న ఈగను క్రియేట్ చేయడానికి పడ్డ శ్రమ వర్ణనాతీతం.
ఒక్క ఈగ కోసం ఏడు నెలల నిరీక్షణ!
ఈగ నేచురల్ గా ఉంటే ఒక సమస్య, ఆర్టిఫిషియల్ గా ఉంటే మరో సమస్య. దాన్ని ఎలా డిజైన్ చేయాలి, దాని కళ్ళు, కాళ్ళు ఎలా కదలాలి అనే విషయంపై రాజమౌళి కొన్ని నెలల పాటు ప్రాణం పెట్టారు. ఒక మంచి ఈగ క్యారెక్టర్ తయారు కావడానికే దాదాపు ఏడు ఎనిమిది నెలల సమయం పట్టిందంటే పరిస్థితి ఎలా ఉండేదో అర్థం చేసుకోవచ్చు. రష్యా నుంచి ఒక గ్రాఫిక్ షాట్ వచ్చిన తర్వాత గానీ సురేష్ బాబుకు నమ్మకం కలగలేదు.
రిలీజ్ డేట్ వాయిదా పడినా వెనకడుగు వేయలేదు!
ముందుగా సంక్రాంతికి అనుకున్న సినిమా సమ్మర్ దాకా వెళ్ళింది. అయినా రాజమౌళి క్వాలిటీ విషయంలో ఎక్కడా తగ్గలేదు. ఆ ఈగను చూశాక, సీజన్ ఏదైనా సరే ఈ సినిమాను ఎవరూ ఆపలేరనే తెలియని కాన్ఫిడెన్స్ వచ్చిందని సురేష్ బాబు చెబుతున్నారు.
మొత్తానికి జక్కన్న ఏదైనా అనుకుంటే అది వెండితెరపై మేజిక్ చేయాల్సిందే. ఈగ విజయం వెనుక ఆయన పెట్టిన అంకితభావం ప్రతి ఒక్కరికీ స్ఫూర్తినిస్తుంది.
