సినిమా వార్తలు
ఈ ఇద్దరు ‘దురంధరులు’ పవన్ కళ్యాణ్ ని దెబ్బకొట్టబోతున్నారా?
టాలీవుడ్ బాక్సాఫీస్ దగ్గర అసలైన రచ్చ మొదలయ్యింది! పవర్ స్టార్ పవన్ కళ్యాణ్ ‘ఉస్తాద్ భగత్ సింగ్’గా బాక్సాఫీస్పై దండయాత్రకు సిద్ధమవుతుంటే, ఆయనికి అడ్డుగా పాన్-ఇండియా లెవల్ యోధులు ఎదురు నిలుస్తున్నారు. మునుపెన్నడూ లేని విధంగా ఒకే వారం గ్యాప్లో వస్తున్న బిగ్గెస్ట్ మూవీస్ పవన్ కళ్యాణ్ రికార్డులకు బ్రేకులు వేస్తాయా? అసలు ఉస్తాద్కు కావాల్సినన్ని థియేటర్లు దొరుకుతాయా? ఇప్పుడు ఇదే ట్రేడ్ ని మైండ్ బ్లాక్ చేస్తున్న హాట్ టాపిక్!
బాక్సాఫీస్ దగ్గర ముగ్గురు ‘దురంధరులు’:
మార్చి 26న ‘ఉస్తాద్ భగత్ సింగ్’ గ్రాండ్ రిలీజ్కు మేకర్స్ పక్కా ప్లాన్ చేశారు. ‘గబ్బర్ సింగ్’ కాంబో మళ్ళీ వస్తుండటంతో అంచనాలు ఆకాశంలో ఉన్నాయి. కానీ, పవన్ కళ్యాణ్ రాకకంటే వారం ముందే.. అంటే మార్చి 19న బాక్సాఫీస్ దగ్గర ఒక పెద్ద విస్ఫోటనం జరగబోతోంది. కన్నడ రాకింగ్ స్టార్ యశ్ నటిస్తున్న ‘టాక్సిక్’ (Toxic) మరియు బాలీవుడ్ ఇండస్ట్రీ హిట్ సీక్వెల్ ‘దురంధర్ 2’ (Dhurandhar 2) ఒకే రోజు రిలీజ్ అవుతున్నాయి.
థియేటర్ల వేటలో ‘ఉస్తాద్’కు చిక్కులు:
టాక్సిక్ ఎఫెక్ట్: యశ్ సినిమా అంటే క్రేజ్ మామూలుగా ఉండదు. దీనికి తోడు తెలుగు రాష్ట్రాల్లో దిల్ రాజు ఈ సినిమాను డిస్ట్రిబ్యూట్ చేస్తుండటంతో మెజారిటీ థియేటర్లు దీనికే వెళ్లే ఛాన్స్ ఉంది.
దురంధర్ 2 టెన్షన్: బాలీవుడ్ సెన్సేషన్ రణవీర్ సింగ్ సినిమా కూడా పాన్-ఇండియా లెవల్లో భారీగా విడుదలవుతోంది.
కేవలం వారం గ్యాప్: ఈ రెండు పెద్ద సినిమాలు రిలీజ్ అయిన వారం రోజులకే ఉస్తాద్ వస్తున్నాడు. సాధారణంగా ఇలాంటి పెద్ద సినిమాలకు కనీసం రెండు వారాల వరకు థియేటర్లు ఖాళీ అవ్వవు. మరి పవన్ కళ్యాణ్ రేంజ్ ఓపెనింగ్స్ రావాలంటే కావాల్సినన్ని స్క్రీన్లు దొరుకుతాయా అన్నది ట్రేడ్ వర్గాల్లో పెద్ద ప్రశ్నగా మారింది.
ఏప్రిల్ లో మరో దెబ్బ:
పోనీ రెండో వారంలో అయినా కుదురుకుందాం అంటే.. ఏప్రిల్ 3న శర్వానంద్ ‘బైకర్’ (Biker) లైన్లో ఉంది. ఈ సినిమా వెనుక కూడా దిల్ రాజు అండ ఉండటంతో ఉస్తాద్కు థియేటర్ల కేటాయింపులో తీవ్రమైన పోటీ ఎదురుకానుంది.
పవన్ కళ్యాణ్ ‘ఉస్తాద్ భగత్ సింగ్’ మేనియా ఇండస్ట్రీని ఊపేస్తోంది అనడంలో సందేహం లేదు. కానీ, యశ్ ‘టాక్సిక్’ మేనియాను, రణవీర్ ‘దురంధర్’ స్పీడ్ను తట్టుకొని ఉస్తాద్ ఎన్ని థియేటర్లను తన వశం చేసుకుంటాడో చూడాలి. అభిమానులు మాత్రం “మా ఉస్తాద్ ముందు ఎవడైనా తగ్గాల్సిందే” అని సోషల్ మీడియాలో రచ్చ చేస్తున్నారు. అసలైన యుద్ధం మార్చి చివర్లో ఎలా ఉండబోతుందో వేచి చూడాల్సిందే!
