‘గోల్డెన్ గ్లోబ్’ విన్నర్స్ లిస్ట్: ఆ ఒక్క సినిమా క్లీన్ స్వీప్.. దిగ్గజ నటులకు చుక్కలు చూపించిన కుర్ర హీరోలు!

ప్రపంచ సినీ చరిత్రలో ఆస్కార్ తర్వాత అంతటి అత్యున్నతమైన గౌరవంగా భావించేవి ‘గోల్డెన్ గ్లోబ్ అవార్డ్స్’ . హాలీవుడ్ విదేశీ విలేఖరుల సంఘం (HFPA) అందించే ఈ పురస్కారాలు, కేవలం సినిమాలకే కాకుండా టీవీ రంగంలో అద్భుత ప్రతిభ కనబరిచిన వారికి కూడా దక్కుతాయి. ప్రతి ఏడాది ఆస్కార్ రేసులో ఎవరున్నారో చెప్పే ‘ముందస్తు సంకేతం’గా ఈ అవార్డులను సినీ విశ్లేషకులు భావిస్తారు. తాజాగా 2026 సంవత్సరానికి గాను 83వ గోల్డెన్ గ్లోబ్ విజేతల జాబితా విడుదలై సంచలనం సృష్టిస్తోంది!

హాలీవుడ్ తారల మెరుపులు.. రెడ్ కార్పెట్ హంగామా.. ఉత్కంఠ రేపిన ఫలితాలు! ప్రపంచవ్యాప్తంగా మూవీ లవర్స్ కళ్లు కాయలు కాచేలా ఎదురుచూసిన 83వ గోల్డెన్ గ్లోబ్ అవార్డ్స్ 2026 అట్టహాసంగా జరిగాయి. కాలిఫోర్నియాలోని బెవర్లీ హిల్టన్ హోటల్ వేదికగా జరిగిన ఈ వేడుకలో, నిక్కీ గ్లేజర్ తన పంచ్‌లతో హోస్ట్‌గా దుమ్మురేపారు. అయితే ఈసారి ఫలితాలు మాత్రం ఎవరూ ఊహించని విధంగా ఉన్నాయి. ముఖ్యంగా ఒకే ఒక సిరీస్ అన్ని అవార్డులను కొల్లగొట్టి అందరినీ ఆశ్చర్యపరిచింది!

అదరగొట్టిన ‘అడాల్సెన్స్’.. ఒక్కరే కాదు అందరూ విన్నర్సే!

ఈ ఏడాది గోల్డెన్ గ్లోబ్ వేదికపై ఒకే పేరు మారుమోగింది.. అదే ‘అడాల్సెన్స్’ (Adolescence) . ఈ వెబ్ సిరీస్ హవా ఎలా ఉందంటే, నామినేషన్ పడ్డ ప్రతి విభాగంలోనూ అవార్డును ఎగురేసుకుపోయింది. చిన్న వయసులోనే అద్భుత నటనతో ఓవెన్ కూపర్ ఉత్తమ సహాయ నటుడిగా అవార్డు గెలుచుకుని చరిత్ర సృష్టించాడు!

గోల్డెన్ గ్లోబ్ అవార్డ్స్ 2026 – మెయిన్ విన్నర్స్ వీరే!

ఉత్తమ నటుడు (టీవీ సిరీస్): స్టీఫెన్ గ్రాహం – అడాల్సెన్స్
ఉత్తమ సహాయ నటుడు (టీవీ సిరీస్): ఓవెన్ కూపర్ – అడాల్సెన్స్
ఉత్తమ నటుడు (సినిమా): తిమోతి చాలామెట్ – మార్టీ సుప్రీం
ఉత్తమ నటి (సినిమా): రోజీ బిర్న్ – ఇఫ్ ఐ హ్యాడ్ లెగ్స్ ఐడిడ్ కిక్ యూ
ఉత్తమ దర్శకుడు: పాల్ థామస్ ఆండర్సన్ – వన్ బ్యాటిల్ ఆనథర్
ఉత్తమ స్క్రీన్‌ప్లే: పాల్ థామస్ ఆండర్సన్ – వన్ బ్యాటిల్ ఆనథర్
ఉత్తమ సహాయ నటుడు (సినిమా): స్టెలన్ – సెంటిమెంట్ వాల్యూ
ఉత్తమ సహాయ నటి (సినిమా): టేయానా టేలర్ – వన్ బ్యాటిల్ ఆనథర్
ఉత్తమ సినిమాటిక్ అండ్ బాక్స్ ఆఫీస్ అచీవ్‌మెంట్: స్పిన్నర్స్
ఉత్తమ యానిమేటెడ్ మోషన్ పిక్చర్: K-Pop డీమన్ హంటర్స్

షాకింగ్ ట్విస్ట్: దిగ్గజాలకు దక్కని గౌరవం!

ఈ ఏడాది అవార్డుల వేడుకలో మరో ఇంట్రెస్టింగ్ విషయం ఏంటంటే.. లియోనార్డో డికాప్రియో , జార్జ్ క్లూనీ వంటి దిగ్గజాలు నామినేషన్లలో ఉన్నప్పటికీ, అవార్డులు మాత్రం కొత్త తరం నటులకే దక్కాయి. తిమోతి చాలామెట్ తన కెరీర్‌లో మొదటి గోల్డెన్ గ్లోబ్‌ను అందుకోగా, ‘సిన్నర్స్’ సినిమా రికార్డు స్థాయి కలెక్షన్లతో బాక్సాఫీస్ అవార్డును సొంతం చేసుకుంది.

ఎక్కడ చూడొచ్చు?

ఒకవేళ మీరు ఈ మెరుపుల వేడుకను మిస్ అయి ఉంటే, మన దేశంలో జియో హాట్‌స్టార్ (JioHotstar) ఓటీటీ ప్లాట్‌ఫామ్‌లో ఈ పూర్తి వేడుకను వీక్షించవచ్చు.

ఈ సినిమాలతో పాటు వెబ్ సిరీస్‌లకు కూడా ఈసారి గోల్డెన్ గ్లోబ్ వేదికపై సమాన ప్రాధాన్యత దక్కింది. మరి ఈ విన్నర్స్ లిస్టులో మీ ఫేవరెట్ మూవీ ఉందో లేదో చెక్ చేసుకున్నారా?