బాక్సాఫీస్ దగ్గర గబ్బర్ సింగ్ గర్జనకు టైమ్ ఫిక్స్ అయింది అనుకుంటే, సరిగ్గా రిలీజ్కు 48 గంటల ముందు ఊహించని ట్విస్ట్ ఎదురైంది. ఉత్తరాంధ్ర అడ్డాపై పవన్ కళ్యాణ్ మేనియాను దెబ్బకొట్టేలా ఉన్న ఈ న్యూస్ ఇప్పుడు ఇండస్ట్రీలో వైరల్ అవుతోంది!
పవన్ కళ్యాణ్, హరీష్ శంకర్ కాంబోలో వస్తున్న మాస్ ఎంటర్టైనర్ ఉస్తాద్ భగత్ సింగ్ రిలీజ్ కౌంట్ డౌన్ మొదలైంది. కానీ సరిగ్గా రెండ్రోజుల ముందు ఉత్తరాంధ్ర ఏరియాలో ఈ సినిమాకు పెద్ద చిక్కు వచ్చి పడింది. ₹14.4 కోట్ల భారీ డీల్ కుదుర్చుకున్న రీజనల్ డిస్ట్రిబ్యూటర్, ఇంకా పూర్తి పేమెంట్ చేయకపోవడంతో అక్కడ రిలీజ్ సస్పెన్స్లో పడింది. పవన్ కళ్యాణ్ కెరీర్లోనే ఈ రీజియన్లో ఇది రెండో అతిపెద్ద బిజినెస్ కావడం విశేషం.
మైండ్ బ్లాక్ అయ్యే ట్విస్ట్:
డీల్ క్లోజ్ అయ్యి రోజులవుతున్నా, ఇంకా పైసలు క్లియర్ కాకపోవడంతో మేకర్స్ సీరియస్ అయ్యారు. గాయత్రీ ఫిలిమ్స్ వాళ్లు నిర్మాతలను ఒప్పించే ప్రయత్నం చేస్తున్నా, ప్రొడ్యూసర్లు మాత్రం పట్టువీడటం లేదని సమాచారం. పేమెంట్ రాకపోతే సొంతంగా రిలీజ్ చేసుకోవడం లేదా మరో డిస్ట్రిబ్యూటర్ను వెతుక్కోవడం అనే ఆప్షన్లను మేకర్స్ పరిశీలిస్తున్నారు. రిలీజ్కు ఇంకా 48 గంటలే ఉండటంతో బుకింగ్స్పై కూడా ఈ ఎఫెక్ట్ పడే ఛాన్స్ ఉంది.
ఫ్యాన్స్లో టెన్షన్:
నిన్న సాయంత్రం నుంచే ఏపీ, తెలంగాణలో అడ్వాన్స్ బుకింగ్స్ పార్షియల్గా ఓపెన్ అయ్యాయి. కానీ ఉత్తరాంధ్రలో ఫుల్ ఫ్లెడ్జ్ బుకింగ్స్ కోసం ఫ్యాన్స్ కళ్లు కాయలు కాచేలా వెయిట్ చేస్తున్నారు. ఈ పేమెంట్ పంచాయితీ క్లియర్ అయితేనే గానీ అక్కడ అసలు రచ్చ మొదలవ్వదు. మరి ఈ 48 గంటల్లో ప్రొడ్యూసర్లు ఎలాంటి నిర్ణయం తీసుకుంటారో చూడాలి.
బాక్సాఫీస్ దగ్గర ఉస్తాద్ ప్రభంజనం సృష్టించాలంటే ఉత్తరాంధ్ర బిజినెస్ సెటిల్ అవ్వడం చాలా కీలకం. మరి ఈ గండం నుంచి భగత్ సింగ్ ఎలా బయటపడతాడో వేచి చూడాల్సిందే!
