ప్రస్తుతం బాక్సాఫీస్ వద్ద ‘ధురంధర్ 2’ కలెక్షన్ల సునామీ సృష్టిస్తోంది , కానీ ఈ సక్సెస్ వెనుక ఉన్న ఒక స్టార్ హీరోయిన్ కన్నీటి గాథ ఇప్పుడు సోషల్ మీడియాను షేక్ చేస్తోంది. ఒకవైపు భర్త సినిమా రికార్డులు తిరగరాస్తుంటే , మరోవైపు ఆ హీరోయిన్ గతంలో ఎదుర్కొన్న అవమానాలు వింటుంటే అభిమానుల గుండె తరుక్కుపోతోంది!
బాలీవుడ్ స్టార్ డైరెక్టర్ ఆదిత్య ధర్ తెరకెక్కించిన ‘ధురంధర్ 2’ ప్రభంజనం సృష్టిస్తున్న వేళ , ఆయన భార్య , ప్రముఖ నటి యామీ గౌతమ్ గతంలో చేసిన సంచలన వ్యాఖ్యలు మళ్ళీ వెలుగులోకి వచ్చాయి. తెలుగులో ‘నువ్విలా’ సినిమాతో కెరీర్ మొదలుపెట్టిన ఈ బ్యూటీ , గ్లామర్ ప్రపంచం వెనుక ఉన్న భయంకరమైన వాస్తవాలను బయటపెట్టింది. సెట్స్లో తనకు జరిగిన అవమానాలు భరించలేక సినిమా ఇండస్ట్రీనే వదిలేయాలని నిర్ణయించుకున్న సందర్భాలను ఆమె వివరించారు.
యామీ గౌతమ్ ఒక ఇంటర్వ్యూలో మాట్లాడుతూ , బాలీవుడ్లో తాను ఎదుర్కొన్న వివక్ష గురించి ఆవేదన వ్యక్తం చేశారు. “కొన్నిసార్లు నేను ఈ ఇండస్ట్రీకి చెందిన వ్యక్తిని కాదేమో అన్న భావన కలిగేది. ఎదుటివారు నోరు తెరిచి చెప్పక్కర్లేదు , ఒక చూపు చాలు మనం ఎంత తక్కువో చెప్పడానికి” అంటూ భావోద్వేగానికి లోనయ్యారు. ఇతర హీరోయిన్లకు ఇచ్చే కనీస మర్యాద కూడా తనకు ఇవ్వలేదని , సెట్స్లో తనను చాలా చులకనగా చూశారని ఆమె వెల్లడించారు.
మరింత షాకింగ్ విషయం ఏంటంటే , కొన్ని సినిమాల్లో హీరోయిన్గా ఎంపిక చేసిన తర్వాత , కనీసం కారణం కూడా చెప్పకుండా తనను తొలగించేవారని యామీ చెప్పారు. “చుట్టూ వేల మంది ఉన్నా , నేను ఒక పరాయి వ్యక్తిలా ఒంటరిగా ఫీలయ్యాను” అని ఆమె పేర్కొన్నారు. బయటకు రంగుల ప్రపంచంగా కనిపించే బాలీవుడ్ లోపల ఎంత కుళ్ళిపోయి ఉందో ఆమె వ్యాఖ్యలు స్పష్టం చేస్తున్నాయి. అయితే , ఈ కష్టకాలంలో భర్త ఆదిత్య ధర్ తనకు కొండంత అండగా నిలిచారని , ఆయన రాకతోనే తన ఆలోచనా విధానం మారిందని ఆమె తెలిపారు. ఇప్పుడు తనను అవమానించిన అదే ఇండస్ట్రీలో ఒక శక్తివంతమైన నటిగా నిలబడటం ఆమె పట్టుదలకు నిదర్శనం.
అవమానాలు ఎదురైన చోటే అద్భుతమైన విజయం సాధించి చూపించిన యామీ గౌతమ్ ప్రయాణం నిజంగా స్ఫూర్తిదాయకం. ప్రస్తుతం ‘ధురంధర్ 2’ సక్సెస్ను ఎంజాయ్ చేస్తున్న ఈ జంట , మరిన్ని రికార్డులు సృష్టించాలని కోరుకుందాం. ఏదేమైనా గ్లామర్ ఫీల్డ్ లోని చీకటి కోణాల గురించి యామీ చేసిన వ్యాఖ్యలు ఇప్పుడు ఇండస్ట్రీలో హాట్ టాపిక్గా మారాయి.
