మెగా పవర్ స్టార్ రామ్ చరణ్ పక్కన ఛాన్స్ కొట్టేసినా , వెండితెరపై నిలదొక్కుకోలేకపోయిన ఆ బ్యూటీ ఇప్పుడు ఫోన్ ద్వారానే కోట్లు కొల్లగొడుతోంది! సినిమాల్లో అవకాశాలు తగ్గితే హీరోయిన్ల పని అయిపోయిందనుకునే వారందరికీ నేహా శర్మ గట్టి సమాధానం ఇస్తోంది.
టాలీవుడ్లో ‘చిరుత’ సినిమాతో ఎంట్రీ ఇచ్చి కుర్రాళ్ల గుండెల్లో సెగలు పుట్టించిన నేహా శర్మ , ఆ తర్వాత ఆశించిన స్థాయిలో హిట్లు అందుకోలేకపోయింది. టాలీవుడ్ , బాలీవుడ్ , ఓటీటీ ఇలా ఎక్కడ ప్రయత్నించినా అదృష్టం కలిసి రాలేదు. కానీ , గ్లామర్ ఫీల్డ్లో ఉంటే అదృష్టాన్ని ఎలా వెతుక్కోవాలో నేహాకు బాగా తెలుసు. అందుకే ఇప్పుడు సోషల్ మీడియాను తన ఆదాయ మార్గంగా మార్చుకుని , ఎటువంటి షూటింగులు లేకపోయినా లక్షల్లో సంపాదిస్తూ అందరినీ ఆశ్చర్యపరుస్తోంది.
నేహా శర్మ తన ఇన్స్టాగ్రామ్లో ఒక సరికొత్త బిజినెస్ మోడల్ను ప్రవేశపెట్టింది. తన గ్లామరస్ ఫోటోలు , జిమ్ వర్కౌట్ వీడియోలు , మరెక్కడా దొరకని ఎక్స్క్లూజివ్ కంటెంట్ చూడాలంటే నెలకు ₹290 రూపాయలు కట్టాలని సబ్స్క్రిప్షన్ ప్లాన్ పెట్టింది. ప్రస్తుతం ఆమెకు దాదాపు 2,454 మంది పెయిడ్ సబ్స్క్రైబర్లు ఉన్నారు. అంటే ఎటువంటి కష్టం లేకుండా , కేవలం ఇంట్లో కూర్చుని కొన్ని ఫోటోలు షేర్ చేస్తూనే నెలకు దాదాపు ₹7 లక్షల రూపాయలకు పైగా వెనకేస్తోంది.
సినిమా కెరీర్ ముగిసిపోయింది అనుకుంటున్న తరుణంలో , కేవలం తన ఫాలోయింగ్ను నమ్ముకుని నేహా చేస్తున్న ఈ మ్యాజిక్ ఇప్పుడు ఇండస్ట్రీలో హాట్ టాపిక్గా మారింది. ముఖ్యంగా మగ సెలబ్రిటీల కంటే మహిళా సెలబ్రిటీలకే ఇలాంటి ప్లాన్లు ఎక్కువగా వర్కవుట్ అవుతాయని విశ్లేషకులు చెబుతున్నారు. పెద్ద పెద్ద బ్రాండ్ ఎండార్స్మెంట్లు లేకపోయినా , నిర్మాతలు రెమ్యునరేషన్ ఇవ్వకపోయినా , సోషల్ మీడియాలో క్రేజ్ ఉంటే చాలు లైఫ్ సెటిల్ చేసుకోవచ్చని నేహా శర్మ నిరూపిస్తోంది. ఆమె బాటలోనే ఇప్పుడు మరికొందరు హీరోయిన్లు కూడా అడుగులు వేయడానికి సిద్ధమవుతున్నారు.
మొత్తానికి నేహా శర్మ తన గ్లామర్ను కేవలం తెరపైనే కాకుండా , డిజిటల్ ప్లాట్ఫామ్లో కూడా క్యాష్ చేసుకుంటోంది. సినిమాల్లో ఫెయిలైనా , ఫైనాన్షియల్ సక్సెస్లో మాత్రం ఆమె మరే హీరోయిన్కు అందనంత ఎత్తులో ఉంది. కేవలం ఫోటోలు , వీడియోలతోనే ఇంత ఆదాయం వస్తుంటే , ఇక సినిమాల కోసం ఆమె ఎందుకు కష్టపడుతుంది చెప్పండి? ఈ సరికొత్త ట్రెండ్ ముందు ముందు ఇంకెంతమందిని మారుస్తుందో చూడాలి!
