రష్మిక మందన్న నటించిన ‘ది గర్ల్ఫ్రెండ్’ బాక్సాఫీస్ వద్ద క్రమంగా తన శక్తిని చాటుకుంటోంది. ఇండియా లో స్టడీగా నడుస్తుండగా, నార్త్ అమెరికాలో మాత్రం ఈ సినిమా అద్భుతంగా పర్ఫార్మ్ చేస్తోంది.
ట్యూస్డే బూస్ట్తో హాఫ్ మిలియన్ క్లబ్లోకి రష్మిక సినిమా!
యూఎస్లో ట్యూస్డే ఆఫర్స్ ను స్మార్ట్గా ఉపయోగించుకున్న ఈ సినిమా, మొదటి మంగళవారం మాత్రమే $100K (సుమారు ₹85 లక్షలు) వసూలు చేసింది! దాంతో కలిపి, సినిమా మొత్తం గ్రాస్ $540K (సుమారు ₹4.5 కోట్లు) దాటేసింది.
ఇది సాధారణ కమర్షియల్ సినిమాలకే సులభం కాదు — కానీ ‘ది గర్ల్ఫ్రెండ్’ లాంటి ఎమోషనల్, మహిళా-కేంద్రిత సినిమా ఈ రేంజ్లో కలెక్ట్ అవ్వడం నిజంగా రేర్ ఫీట్ అని ట్రేడ్ వర్గాలు చెబుతున్నాయి.
రష్మిక పవర్ ప్రూవ్ అయింది — నాన్ మసాలా సినిమాలోనూ బాక్సాఫీస్ పుల్!
సెల్ఫీ సాంగ్స్, మాస్ యాక్షన్ లేకపోయినా… రష్మిక పేరే ఆడియెన్స్ని థియేటర్స్కి లాగుతోంది. “ది గర్ల్ఫ్రెండ్” ఇప్పుడు నార్త్ అమెరికాలో బ్రేక్ ఈవెన్ దాటేసి, ప్రాఫిట్ జోన్లోకి చేరిపోయింది.
రాహుల్ రవీంద్రన్ దర్శకత్వం, రష్మిక భావోద్వేగ నటనకు ప్రశంసలు!
రాహుల్ రవీంద్రన్ డైరెక్షన్లో రష్మిక పోషించిన భూమా పాత్ర ప్రేక్షకులను బాగా కనెక్ట్ చేసింది. సోషల్ మీడియాలో, సమీక్షల్లో కూడా “Raw, Real & Relatable Performance” అంటూ ప్రశంసల వర్షం కురుస్తోంది.