టాలీవుడ్ రాక్స్టార్ దేవి శ్రీ ప్రసాద్ (DSP) కొత్త ప్రయాణం మొదలైంది. దాదాపు మూడు దశాబ్దాల పాటు తన సంగీతంతో ప్రేక్షకులను ఉర్రూతలూగించిన డీఎస్పీ, ఇప్పుడు వెండితెరపై హీరోగా మెరవబోతున్నారు. ఆయన నటిస్తున్న తొలి చిత్రం ‘యల్లమ్మ’ (Yellamma) గ్లింప్స్ను సంక్రాంతి కానుకగా చిత్ర యూనిట్ విడుదల చేసింది.
గ్లింప్స్ విశేషాలు:
‘బలగం’ వంటి క్లాసిక్ హిట్తో తన సత్తా చాటిన డైరెక్టర్ వేణు యెల్దండి, ఈ చిత్రాన్ని తెరకెక్కిస్తున్నారు. విడుదలైన గ్లింప్స్ అంచనాలను అమాంతం పెంచేసింది.
పర్షిగా డీఎస్పీ:
ఈ సినిమాలో డీఎస్పీ ‘పర్షి’ అనే పాత్రలో కనిపిస్తున్నారు. పొడవాటి జుట్టు, గడ్డంతో ఉన్న ఆయన మేకోవర్ చాలా పవర్ఫుల్ గా ఉంది.
నటన & సంగీతం:
కేవలం మ్యూజిక్ డైరెక్టర్గానే కాకుండా, నటుడిగా కూడా డీఎస్పీ ఈ పాత్రలో ఒదిగిపోయినట్లు కనిపిస్తోంది. ఇక తన సినిమాకి తనే అద్భుతమైన బ్యాక్ గ్రౌండ్ స్కోర్ అందించి గ్లింప్స్ ను నెక్స్ట్ లెవల్కు తీసుకెళ్లారు.
టెక్నికల్ వ్యాల్యూస్:
గాలిలో సుడులు తిరుగుతున్న వేప ఆకు, గజ్జల చప్పుడుతో పరిగెత్తే వ్యక్తి.. ఇలా విజువల్స్ చాలా ఇంటెన్సివ్ గా ఉన్నాయి.
రిలీజ్:
ప్రముఖ నిర్మాత దిల్ రాజు సమర్పణలో, శ్రీ వెంకటేశ్వర క్రియేషన్స్ బ్యానర్పై శిరీష్ ఈ చిత్రాన్ని నిర్మిస్తున్నారు. ఈ సినిమాను తెలుగుతో పాటు తమిళ్, కన్నడ, మలయాళ, హిందీ భాషల్లో పాన్ ఇండియా స్థాయిలో విడుదల చేయనున్నారు.
మొత్తానికి ‘పర్షి’ గ్లింప్స్తో దేవి శ్రీ ప్రసాద్ బాక్సాఫీస్ వద్ద తన సరికొత్త వేటను మొదలుపెట్టబోతున్నారని అర్థమవుతోంది.
