ప్రముఖ నటి లావణ్య త్రిపాఠి కొణిదెల సోషల్ మీడియాలో తనపై జరుగుతున్న నీచమైన వేధింపులపై కఠిన నిర్ణయం తీసుకున్నారు. తన పర్సనల్ లైఫ్, నైతిక విలువలపై విషం చిమ్ముతున్న వారిని వదిలిపెట్టే ప్రసక్తే లేదని స్పష్టం చేస్తూ హైదరాబాద్ సైబర్ క్రైమ్ పోలీసులను ఆశ్రయించారు. తనను, తన కుటుంబ సభ్యులను టార్గెట్ చేస్తూ అసభ్యకర పోస్టులు పెడుతున్న వారిపై చర్యలు తీసుకోవాలని ఆమె గట్టిగా డిమాండ్ చేశారు.
‘పర్పుల్ క్రెయాన్ 00’.. పోలీసుల గురి ఆ అకౌంట్ మీదే!
గత కొంతకాలంగా ‘పర్పుల్ క్రెయాన్ 00’ అనే ఇన్స్టాగ్రామ్ ఖాతా ద్వారా లావణ్యను మానసికంగా వేధిస్తున్నారని ఫిర్యాదులో పేర్కొన్నారు. అత్యంత జుగుప్సాకరమైన పదజాలంతో కామెంట్లు చేయడం, ప్రతిష్ఠకు భంగం కలిగించేలా పోస్టులు క్రియేట్ చేయడం వంటి పనులతో ఈ అకౌంట్ హద్దులు దాటింది. దీంతో రంగంలోకి దిగిన సైబర్ క్రైమ్ పోలీసులు ఐటీ చట్టంలోని సెక్షన్ 67, భారత న్యాయ సంహిత (BNS)లోని సెక్షన్లు 78, 79 కింద కేసులు నమోదు చేశారు. ఆ ఖాతా వెనుక ఉన్న నిందితులను పట్టుకునేందుకు టెక్నికల్ ఆధారాలతో వేట మొదలుపెట్టారు.
సినిమా సెలబ్రిటీలన్నా, ఆడపిల్లలన్నా గౌరవం లేకుండా ప్రవర్తించే ఇలాంటి వారికి ఈ కేసు ఒక గుణపాఠం కావాలని నెటిజన్లు అభిప్రాయపడుతున్నారు. లావణ్య తీసుకున్న ఈ బోల్డ్ డెసిషన్పై సర్వత్రా ప్రశంసలు కురుస్తున్నాయి.
సోషల్ మీడియాలో పిచ్చి కామెంట్లు పెట్టే బ్యాచ్కు ఈ వార్త ఒక స్ట్రాంగ్ వార్నింగ్ అని చెప్పొచ్చు. లావణ్య తీసుకున్న ఈ నిర్ణయంపై మీరేమంటారు? తప్పు చేసిన వారికి సరైన శిక్ష పడాల్సిందేనా? కింద కామెంట్ సెక్షన్ లో మీ అభిప్రాయాన్ని పంచుకోండి. ఇలాంటి మరిన్ని లేటెస్ట్ అప్డేట్స్ కోసం మా పేజీని ఫాలో అవ్వండి!
