నేచుర‌ల్ స్టార్ నాని హీరోగా శైల‌ష్ కొల‌ను ద‌ర్శ‌క‌త్వంలో వ‌స్తున్న తాజా మూవీ ‘హిట్-3’. హిట్ యూనివ‌ర్స్‌లో వ‌స్తున్న మూడో చిత్రం కావ‌డంతో ఈ సినిమా కోసం ప్రేక్ష‌కులు ఆత్రుత‌గా ఎదురుచూస్తున్నారు. ఇంత‌కుముందు వచ్చిన రెండు మూవీలు భారీ విజ‌యాన్ని సొంతం చేసుకోవ‌డ‌మే ఇందుకు కార‌ణం. ఈ నేపధ్యంలో ఈ చిత్రం ప్రీ రిలీజ్ బిజినెస్ ఓ రేంజిలో జరిగింది.
ట్రేడ్ వర్గాల నుంచి అందుతున్న సమాచారం మేరకు ఈ చిత్రం ఆంధ్రా (6 ఏరియాలు) బిజినెస్ 15 కోట్లు జరిగింది. సీడెడ్ 5 కోట్లు, నైజాం 12 కోట్లు వరకూ జరిగిందని తెలుస్తోంది. వరల్డ్ వైడ్ థియేట్రకల్ బిజినెస్ డిటేల్స్ చూస్తే మొత్తం 40 కోట్లు దాకా జరిగింది. ఇందులో ఓవర్ సీస్ కూడా కలిసే ఉంది.
అలాగే ఈ చతి్రం నాన్ థియేటర్ బిజినెస్ కూడా ఓ రేంజిలో జరిగింది. నాని సినిమాలు ఓటిటి డీల్స్ లో రికార్డ్ లు బ్రద్దలు కొడుతున్నాయి. ఈ సినిమా రైట్స్ ని ఓటిటి జెయింట్ నెట్ ప్లిక్స్ 50 కోట్లకు సొంతం చేసుకున్నట్లు వినికిడి. ఆడియో, శాటిలైట్ అన్ని రైట్స్ కలిపి మొత్తం బిజినెస్ 100 కోట్లు దాకా జరిగిందని తెలుస్తోంది. ఇది మామూలు విషయం కాదు.
ఇక మే 1న ‘హిట్-3’ ప్రేక్ష‌కుల ముందుకు రానుంది. ఈ నేప‌థ్యంలో చిత్ర టీమ్ మేక‌ర్స్ ప్ర‌చార కార్య‌క్ర‌మాల‌ను ముమ్మ‌రం చేశారు. అందులో భాగంగా తాజాగా ట్రైల‌ర్‌ను విడుద‌ల చేశారు. వరుస హత్యలు… వాటిని ప‌వ‌ర్‌ఫుల్ పోలీస్ అధికారి అయిన అర్జున్ స‌ర్కార్‌ ఎలా చేధించాడు అనే కోణంలో ఈ చిత్రం తెర‌కెక్కిన్న‌ట్లు ట్రైల‌ర్ చూస్తుంటే అర్థ‌మ‌వుతోంది.
ఇందులో నాని చెప్పిన డైలాగ్‌లు థియేట‌ర్లో గూస్ బంప్స్ తెప్పించ‌డం ఖాయంగా క‌నిపిస్తోంది. మొత్తంగా ట్రైల‌ర్ అదిరిపోయింది. మూవీపై ఉన్న అంచ‌నాల‌ను అమాంతం పెంచేసింది. హిట్ 1, 2తో పోలిస్తే ‘హిట్-3’ వైల్డ్ గా ఉంద‌నే చెప్పాలి.
ఈ చిత్రంలో నేచుర‌ల్ స్టార్ స‌ర‌స‌న కేజీఎఫ్ ఫేమ్‌ శ్రీనిధి శెట్టి హీరోయిన్ గా న‌టిస్తున్నారు. మిక్కీ జే మేయ‌ర్ బాణీలు అందిస్తున్నారు. నాని సొంత నిర్మాణ సంస్థ వాల్‌పోస్టర్‌ సినిమా, యునానిమస్‌ ప్రొడక్షన్స్ పై ప్రశాంతి త్రిపురనేని ఈ చిత్రాన్ని నిర్మిస్తున్నారు.
