దీపికాకు మద్దతు ఇచ్చిన మణిరత్నం, వివాదం కొత్త టర్న్ తీసుకోబోతోందా?

సందీప్ రెడ్డి వంగా దర్శకత్వంలో తెరకెక్కబోయే భారీ ప్రాజెక్ట్ ‘స్పిరిట్’ ప్రారంభానికి ముందే వార్తల్లో నిలిచిన సంగతి తెలిసిందే. దీపికా పదుకొణె లీడ్ రోల్ కోసం చర్చలు జరిపారు కానీ, కొన్ని షరతుల కారణంగా ఆమె ఈ ప్రాజెక్ట్ నుంచి తప్పుకున్నారని వార్తలు వచ్చాయి.

ఈ షరతులలో ముఖ్యంగా –

రోజుకి 8 గంటలే షూటింగ్

రూ.20 కోట్ల పారితోషికం

లాభాల్లో వాటా

తెలుగు డైలాగులు చెప్పకూడదని అభ్యర్థన

ఈ కండిషన్లను ‘ఓవర్ డిమాండ్’గా పేర్కొంటూ పలువురు విమర్శించినప్పటికీ, బాలీవుడ్ నటి త్రిప్తి డిమ్రీను ఆమె స్థానంలో తీసుకొచ్చారు. అయితే, ఈ వివాదానికి ఊతమిచ్చేలా ఓ దిగ్గజ దర్శకుడు బహిరంగంగా దీపికాకు మద్దతు పలికారు — ఆయనే మణిరత్నం.

“She Deserves It” – మణిరత్నం

న్యూస్ 18కి ఇచ్చిన ఇంటర్వ్యూలో మణిరత్నం మాట్లాడుతూ – “ఆమె చేసిన డిమాండ్లు నేను పూర్తిగా సరైనవే అనుకుంటున్నాను. అలాంటి స్థాయిలో డిమాండ్ చేసే స్థాయిలో ఉన్నదంటే అది ఆమె ఎదుగుదలకి సూచిక. వృత్తిపరమైన అంచనాలు, పనివేళలు ఇవన్నీ పరిశ్రమలో సరిగా నిర్వచించాల్సిన సమయం ఇది.”

అలాగే… ” చిత్ర పరిశ్రమలో వృత్తిపరమైన సరిహద్దులు ఉండాలి. ఫిల్మ్‌మేకర్స్ అలాంటి అవసరాలను గుర్తించి, అర్థం చేసుకుని, వాటికి అనుగుణంగా పనిచేయాలి” అని తెలిపారు.

నటులు కాదు నిస్సహాయులు కాదు – సోషియల్ మీడియా చర్చలో మారిన టోన్

ఈ వివాదంపై ఇప్పటికే అజయ్ దేవగణ్, సైఫ్ అలీ ఖాన్ మాదిరిగానే మణిరత్నం స్పందించడంతో పరిశ్రమలో వర్క్–లైఫ్ బ్యాలెన్స్, విమెన్ ఎక్స్‌పెరియన్స్‌, పే అండ్ అవర్ రిస్పెక్ట్ వంటి అంశాలు ఓ మేజర్ డిబేట్‌గా మారాయి.

అజయ్ దేవగణ్ వ్యాఖ్యలు గమనార్హం:

“ఈ విషయం చాలా మందికి రుచించడం లేదనడం సరికాదు. నిజాయితీగల చాలా మంది చిత్రనిర్మాతలకు దీంతో సమస్య ఉండదు. దీనికి తోడు తల్లిగా ఉంటూ ఎనిమిది గంటలు పనిచేయడం అనేది క‌ష్టం”.”

ఇది నటనలో పరిణతి – Glamour with Boundaries

దీపికా డిమాండ్లను అన్‌ప్రొఫెషనల్ అని విమర్శించిన వారికిప్పుడు ఇండస్ట్రీలో ఓ ప్రత్యామ్నాయ వాయిస్ వినిపిస్తోంది — “పని మీద గౌరవం ఉండాలంటే, పని గడువుపై స్పష్టత ఉండాలి” అనే స్పష్టత వస్తోంది.

మణిరత్నం వ్యాఖ్యలతో ఈ చర్చ మరింత ప్రొఫెషనల్ టర్న్ తీసుకుంది. ఇది నిర్మాతలకు, నటీనటులకు మాత్రమే కాదు – మొత్తం ఇండస్ట్రీ మానసిక దృక్పథానికి కూడా ఓ హెచ్చరిక.

ఇక ‘థగ్ లైఫ్’ తర్వాత మణిరత్నం

కమల్ హాసన్‌తో కలిసి రూపొందించిన ‘థగ్ లైఫ్’ జూన్ 5న విడుదలకు సిద్ధమవుతోంది. ఈ సినిమాతో మణిరత్నం ఓ దశ ముగించుకుని, కొద్దికాలం విరామం తీసుకోనున్నారని సమాచారం.

ప్రస్తుతం తన దగ్గర నాలుగు స్క్రిప్ట్‌లు ఉన్నాయని… కానీ వాటిలో ఏదీ ఇంకా పూర్తిగా రెడీ కాలేదని ఆయన వెల్లడించారు.