మెగా పవర్ స్టార్ రామ్ చరణ్ బాక్సాఫీస్ వద్ద మరోసారి దండయాత్రకు సిద్ధమయ్యారు. ‘పెద్ది పహెల్వాన్’ గ్లింప్స్తో సోషల్ మీడియాను షేక్ చేసిన చరణ్, ఇప్పుడు నార్త్ ఇండియా మార్కెట్పై కన్నేశారు. అక్కడ తిరుగులేని రికార్డులు సృష్టించిన ‘ధురంధర్’ మూవీ కలెక్షన్లను తుడిచిపెట్టేలా ఒక మాస్టర్ ప్లాన్ రెడీ అయింది. అటు బుచ్చిబాబు మేకింగ్, ఇటు చరణ్ మేకోవర్ చూస్తుంటే ఈసారి టార్గెట్ 1000 కోట్లే అని అర్థమవుతోంది. అసలు నార్త్లో పెద్ది మేకర్స్ వేసిన ఆ స్కెచ్ ఏంటో తెలిస్తే షాక్ అవుతారు!
జియో స్టూడియోస్ ఎంట్రీ.. నార్త్ బాక్సాఫీస్ షేక్!
రీసెంట్గా దేశవ్యాప్తంగా సంచలనం సృష్టించిన ‘ధురంధర్ ది రివెంజ్’ చిత్రాన్ని పంపిణీ చేసిన జియో స్టూడియోస్, ఇప్పుడు ‘పెద్ది’ హిందీ వెర్షన్ బాధ్యతలను తీసుకుంది. దీంతో ఉత్తర భారత దేశంలో ఈ సినిమా గతంలో ఎన్నడూ లేని విధంగా అతిపెద్ద స్థాయిలో విడుదల కాబోతోంది. బాలీవుడ్ బడా సినిమాలకు ధీటుగా థియేటర్ల వేట మొదలైంది. ఈ ఒక్క డీల్తో పెద్ది రేంజ్ ఎక్కడికో వెళ్ళిపోయిందని ట్రేడ్ వర్గాలు చర్చించుకుంటున్నాయి.
జాన్వీ కపూర్ గ్లామర్.. పహెల్వాన్ పవర్!
వృద్ధి సినిమాస్ బ్యానర్పై నిర్మాత వెంకట సతీష్ కిలారు అత్యంత భారీ బడ్జెట్తో ఈ చిత్రాన్ని నిర్మిస్తున్నారు. చరణ్ సరసన అతిలోక సుందరి కూతురు జాన్వీ కపూర్ నటిస్తుండటం సినిమాకు మెయిన్ అట్రాక్షన్గా మారింది. వీరిద్దరి కెమిస్ట్రీ వెండితెరపై మ్యాజిక్ చేయడం ఖాయం. అలాగే కన్నడ స్టార్ శివ రాజ్కుమార్, విలక్షణ నటుడు జగపతి బాబు కీలక పాత్రల్లో నటిస్తుండటంతో సినిమాపై అంచనాలు ఆకాశాన్ని తాకుతున్నాయి.
Happy Sri Rama Navami 📷📷
— Jio Studios (@jiostudios) March 27, 2026
Here is the #PeddiPehelwanGlimpse https://t.co/whaJ2l7wj9#Peddi #RamCharan pic.twitter.com/LX7fR2M5nq
రెహమాన్ మ్యూజిక్.. బుచ్చిబాబు మార్క్ యాక్షన్!
ఆస్కార్ విన్నర్ ఏఆర్ రెహమాన్ ఈ సినిమాకు ప్రాణం పోస్తున్నారు. స్పోర్ట్స్ బ్యాక్డ్రాప్లో సాగే ఈ ఎమోషనల్ యాక్షన్ డ్రామాలో సాంగ్స్, బ్యాక్ గ్రౌండ్ స్కోర్ నెక్స్ట్ లెవల్లో ఉండబోతున్నాయట. ఉప్పెనతో తన సత్తా చాటిన బుచ్చిబాబు, ఇప్పుడు చరణ్ను ఒక పవర్ఫుల్ పహెల్వాన్గా చూపిస్తూ నేషనల్ లెవల్లో సెన్సేషన్ క్రియేట్ చేయబోతున్నారు. గ్లింప్స్కే ఈ రేంజ్ రెస్పాన్స్ ఉంటే, ఇక సినిమా రిలీజ్ అయ్యాక రికార్డులన్నీ బద్దలు కావాల్సిందే!
మొత్తానికి చరణ్ తన బాక్సాఫీస్ వేటను నార్త్ బెల్ట్లో గట్టిగానే ప్లాన్ చేశారు. మరి ‘ధురంధర్’ సృష్టించిన సునామీని ‘పెద్ది’ తట్టుకుని నిలబడుతుందో లేదో చూడాలి!
