మెగా ఇంట్లో నామకరణ వేడుక.. రామ్ చరణ్ కవల పిల్లల పేర్లు ఫిక్స్! పేర్లు ఫుల్ మీనింగ్ ఇదే!

మెగా పవర్ స్టార్ రామ్ చరణ్ (Ram Charan), ఉపాసన (Upasana) దంపతులు ఇప్పుడు ముగ్గురు పిల్లల తల్లిదండ్రులుగా తమ పరిపూర్ణమైన కుటుంబాన్ని చూసి మురిసిపోతున్నారు. గత నెల 31న ఉపాసన కవల పిల్లలకు (ఒక బాబు, ఒక పాప) జన్మనిచ్చిన సంగతి తెలిసిందే. తాజాగా ఈ చిన్నారి మెగా వారసులకు నామకరణం చేశారు. ఈ పేర్లు ఇప్పుడు ఇంటర్నెట్‌లో తెగ వైరల్ అవుతున్నాయి.

శివరాం.. అన్వీరా దేవి! పేర్ల వెనుక పెద్ద స్కెచ్!

మెగా దంపతులు తమ కవల పిల్లలకు చాలా అర్థవంతమైన పేర్లను పెట్టారు. బాబుకు ‘శివరాం’ (Shivaram) అని, పాపకు ‘అన్వీరా దేవి’ (Anveera Devi) అని నామకరణం చేసినట్లు సమాచారం. ఈ పేర్లు వినడానికి ఎంతో పవర్ ఫుల్ గా ఉండటమే కాకుండా, మెగా ఫ్యామిలీలోని బలమైన సెంటిమెంట్లను కూడా ప్రతిబింబిస్తున్నాయి.

నాయనమ్మ పేరు కలిసొచ్చేలా.. ‘అ’ సెంటిమెంట్!

మెగా ఫ్యామిలీలో ‘అ’ అక్షరం అంటే ఒక ప్రత్యేకమైన సెంటిమెంట్ ఉంది. చరణ్ పెద్దమ్మాయి పేరు ‘క్లిన్ కారా’ (Klin Kaara) కాగా, ఇప్పుడు చిన్నారి పాపకు అన్వీరా దేవి అని పేరు పెట్టారు.

కారణం: రామ్ చరణ్ తల్లి, చిరంజీవి సతీమణి అంజనా దేవి గారి పేరు కలిసి వచ్చేలా పాపకు ‘అన్వీరా దేవి’ అని పేరు పెట్టినట్లు తెలుస్తోంది.

తమ జీవితంలో మహిళలే గొప్ప బలమని నమ్మే చరణ్-ఉపాసన, తమ బిడ్డ పేరులో నాయనమ్మ పేరు ఉండేలా చూసుకోవడం అభిమానుల మనసు గెలుచుకుంటోంది.

కంప్లీట్ ఫ్యామిలీ.. చరణ్ ఎమోషనల్ పోస్ట్!

కవల పిల్లల జననం తర్వాత రామ్ చరణ్ సోషల్ మీడియాలో ఒక ఎమోషనల్ పోస్ట్ పెట్టారు. “మాకు ఒక బాబు, ఒక పాప జన్మించినందుకు చాలా సంతోషంగా ఉంది. ఇద్దరు ఆడపిల్లలు, ఒక మగపిల్లవాడు ఇంట్లో ఉండటం మాకు దక్కిన గొప్ప వరం. మా కుటుంబానికి అండగా నిలిచిన అభిమానులందరికీ కృతజ్ఞతలు” అని పేర్కొన్నారు. ఇప్పుడు క్లిన్ కారాతో పాటు శివరాం, అన్వీరా దేవిల సందడితో మెగా కాంపౌండ్ లో పండుగ వాతావరణం నెలకొంది.