సాధారణంగా ప్రతి ఏటా సంక్రాంతి బరిలో ఏదో ఒక డబ్బింగ్ సినిమాతో హడావిడి చేసే తమిళ హీరోలు, ఈసారి మాత్రం సైలెంట్ అయిపోయారు. మన తెలుగు సినిమాల దెబ్బకు కోలీవుడ్ స్టార్ హీరోలు విజయ్, శివకార్తికేయన్ ముందే చేతులెత్తేసినట్లు కనిపిస్తోంది. విజయ్ నటించిన ‘జననాయకన్’, శివకార్తికేయన్ ‘పరాశక్తి’ చిత్రాలు తెలుగులో ఎలాంటి హడావిడి లేకుండా చాలా లో-ప్రొఫైల్లో రిలీజ్ అవుతున్నాయి.
తెలుగు సినిమాల జోరు.. డబ్బింగ్ చిత్రాల బేజారు! ఈసారి సంక్రాంతి బాక్సాఫీస్ దగ్గర టాలీవుడ్ నుంచి ఐదు భారీ చిత్రాలు పోటీ పడుతున్నాయి. ప్రభాస్ ‘ది రాజా సాబ్’, చిరంజీవి ‘మన శంకర వరప్రసాద్ గారు’ వంటి బిగ్గెస్ట్ సినిమాలతో పాటు.. ‘భర్త మహా సహాయకులకు విజ్ఞప్తి’, ‘అనగనగా ఒక రాజు’, ‘నారి నారి నడుమ మురారి’ చిత్రాలు థియేటర్లను ఆక్రమించేస్తున్నాయి. ఇంత భారీ పోటీ మధ్య డబ్బింగ్ సినిమాలకు కనీసం గాలి ఆడే అవకాశం కూడా కనిపించడం లేదు.
విజయ్కి ఆ భయం పట్టుకుందా? విజయ్ నటించిన ‘జననాయకన్’ సినిమా తెలుగు బ్లాక్ బస్టర్ ‘భగవంత్ కేసరి’కి రీమేక్ అన్న సంగతి తెలిసిందే. ఆల్రెడీ తెలుగు ప్రేక్షకులు బాలయ్య సినిమాను చూసేయడంతో, విజయ్ సినిమాపై ఇక్కడ పెద్దగా ఆసక్తి కలగడం లేదు. పూజా హెగ్డే ఉన్నా కూడా ఈ సినిమాకు బజ్ క్రియేట్ అవ్వడం లేదు.
శ్రీలీల ఉన్నా శివకార్తికేయన్కి కష్టమే! ఇక శివకార్తికేయన్ సినిమాలో తెలుగు సెన్సేషన్ శ్రీలీల ఉన్నప్పటికీ, పండుగ రద్దీ కారణంగా థియేటర్లు దొరకడం గగనమైపోయింది. దీంతో ఈ రెండు సినిమాల నిర్మాతలు తెలుగులో భారీ ప్రమోషన్లు చేయడం దండగ అని భావిస్తున్నారు. అందుకే కేవలం తమ సొంత తమిళ మార్కెట్ మీద ఫోకస్ పెట్టి, తెలుగులో నామమాత్రంగా రిలీజ్ చేసి మమ అనిపిస్తున్నారు.
మొత్తానికి ఈ సంక్రాంతికి బాక్సాఫీస్ వద్ద కేవలం తెలుగు సినిమాల ‘రాజసం’ మాత్రమే నడిచేలా కనిపిస్తోంది!
మరిన్ని సినిమా అప్డేట్స్ కోసం మా వెబ్సైట్ను ఫాలో అవుతూనే ఉండండి!
