ఒకవైపు బాక్సాఫీస్ వద్ద మెగాస్టార్ చిరంజీవి సునామీ సృష్టిస్తుంటే, మరోవైపు అభిమానుల్లో తీవ్ర విషాదం నెలకొంది. ‘వింటేజ్ బాస్ ఈజ్ బ్యాక్’ అంటూ థియేటర్ల దగ్గర ఫ్యాన్స్ పూనకాలతో ఊగిపోతున్న తరుణంలో, హైదరాబాద్లోని ఒక థియేటర్లో ఊహించని ఘటన చోటుచేసుకుంది.
బ్లాక్ బస్టర్ హిట్.. కానీ..
సక్సెస్ఫుల్ డైరెక్టర్ అనిల్ రావిపూడి – మెగాస్టార్ కాంబినేషన్లో వచ్చిన ‘మన శంకర వరప్రసాద్ గారు’ సినిమాకు ప్రపంచవ్యాప్తంగా బ్లాక్ బస్టర్ టాక్ వచ్చింది. థియేటర్లలో ఈలలు, గోలలతో పండగ వాతావరణం నెలకొంది. అయితే, సోమవారం కూకట్పల్లిలోని అర్జున్ థియేటర్లో సినిమా చూస్తున్న ఒక వ్యక్తి అకస్మాత్తుగా కుప్పకూలిపోయాడు.
స్క్రీనింగ్ జరుగుతుండగానే కుప్పకూలి..
సినిమాలోని హై-వోల్టేజ్ సీన్స్ చూస్తూ ఎంజాయ్ చేస్తున్న సమయంలో, సదరు వ్యక్తికి తీవ్రమైన గుండెపోటు వచ్చినట్లు తెలుస్తోంది. సీటులోనే అపస్మారక స్థితిలోకి వెళ్లడంతో గమనించిన పక్కనున్న వారు వెంటనే థియేటర్ సిబ్బందికి సమాచారం అందించారు. వారు స్పందించి కాపాడే ప్రయత్నం చేసినప్పటికీ, అప్పటికే ఆయనలో చలనం లేదని సమాచారం.
చిరంజీవి సినిమా చూస్తూ గుండెపోటుతో అభిమాని మృతి
— Telugu Scribe (@TeluguScribe) January 12, 2026
హైదరాబాద్ – కూకట్ పల్లిలోని అర్జున్ థియేటర్లో, చిరంజీవి మన శంకర వరప్రసాద్ సినిమా చూస్తూ మృతి చెందిన అభిమాని
గుండెపోటుతో మృతిచెంది ఉంటాడని అనుమానిస్తున్న పోలీసులు pic.twitter.com/zgXIHmEB3L
పోలీసుల ఎంట్రీ.. అసలు కారణం ఏంటి?
సమాచారం అందుకున్న వెంటనే పోలీసులు సంఘటనా స్థలానికి చేరుకున్నారు. మృతదేహాన్ని స్వాధీనం చేసుకుని ఆసుపత్రికి తరలించారు. ప్రాథమిక సమాచారం ప్రకారం అది గుండెపోటు అని పోలీసులు అనుమానిస్తున్నారు. అయితే, అతిగా ఉద్వేగానికి లోనవ్వడం వల్లే ఇలా జరిగిందా? లేక వేరే ఇతర ఆరోగ్య కారణాలు ఉన్నాయా? అనేది పోస్టుమార్టం రిపోర్ట్ తర్వాతే క్లారిటీ రానుంది.
మెగా అభిమానులు ఈ వార్త విని షాక్కు గురవుతున్నారు. సినిమా సూపర్ హిట్ అయిన ఆనందంలో ఉండగా, ఇలాంటి వార్త రావడం అందరినీ కలచివేస్తోంది.
