యాంకర్ రష్మి వార్నింగ్: ‘పళ్లు రాలగొడతా.. ఓపిక చచ్చిపోయింది!’, అసలేం జరిగింది?

బుల్లితెర గ్లామర్ క్వీన్, స్టార్ యాంకర్ రష్మి గౌతమ్ (Rashmi Gautam) ఒక్కసారిగా సీరియస్ అయ్యారు. “ఒక్కొక్కడికి పళ్లు రాలగొడతా.. నాకు ఓపిక చచ్చిపోయింది” అంటూ ఆమె చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. శ్రీదేవి డ్రామా కంపెనీ (Sridevi Drama Company) తాజా ప్రోమోలో రష్మి ఇంతలా ఎందుకు ఫైర్ అయ్యారో తెలిస్తే మీరు షాక్ అవ్వాల్సిందే!

మేడారం జాతర.. సోదమ్మ చెప్పిన పెళ్లి ముచ్చట!

ఈ వారం శ్రీదేవి డ్రామా కంపెనీ స్టేజ్ మొత్తం తెలంగాణ కుంభమేళా మేడారం సమ్మక్క-సారలమ్మ జాతర బ్యాక్‌డ్రాప్‌తో కళకళలాడిపోయింది. ఈ సందడిలో పొట్టి నరేష్ ‘సోదమ్మ’ వేషంలో వచ్చి రష్మికి సోది చెప్పాడు.

రష్మి పెళ్లి: “నా పెళ్లి ఎప్పుడు అవుతుంది?” అని రష్మి అడగ్గా.. “నీకు కాబోయేవాడు మహారాజులా ఉంటాడు.. రాత్రయితే ఎవరికీ కనపడడు.. జేబులోంచి పావురాలు తీస్తాడు” అంటూ నరేష్ సెటైర్లు వేశాడు. అంతేకాదు, “నీ భవిష్యత్తులో వాడు కాకుండా ఇంకెవరో ఉన్నట్లు అనిపిస్తోంది” అని చెప్పడంతో రష్మి నవ్వు ఆపుకోలేకపోయింది.

పళ్లు రాలగొడతా.. రష్మి ఆగ్రహం!

అయితే సడన్‌గా రష్మి సీరియస్ అవుతూ.. “కొంతమంది చాలా ఎక్స్‌ట్రాలు చేస్తున్నారు.. అందుకే మీ పళ్లు రాలగొట్టాలని అనుకుంటున్నా” అని వార్నింగ్ ఇచ్చింది. వెంటనే ఒక బోర్డుపై ఉన్న ఆటో రాంప్రసాద్, పొట్టి నరేష్ ఫోటోలపై బంతులతో కొట్టించి నిజంగానే ‘పళ్లు రాలగొట్టే’ గేమ్ ఆడించింది. అయితే ట్విస్ట్ ఏంటంటే.. అదే బోర్డుపై రష్మి ఫోటో కూడా ఉండటంతో ఆమె షాక్ అయ్యింది.

ఆర్మీ జవాన్ రాకతో భావోద్వేగం..

రిపబ్లిక్ డే సందర్భంగా ఈ ఎపిసోడ్‌లో ఒక ఆర్మీ జవాన్‌ను స్టేజ్ మీదికి ఆహ్వానించి ఘనంగా సన్మానించారు. సదరు జవాన్ మాట్లాడుతూ.. “నాలుగేళ్ల క్రితం నేను ఇక్కడే ‘ఢీ’ షోలో డ్యాన్సర్‌గా చేశాను. అప్పుడు రష్మితో ఫోటో దిగాలనుకున్నాను” అని చెప్పగా.. జడ్జి ఇంద్రజ స్పందిస్తూ.. “అప్పుడు నువ్వు అనుకున్నావు.. ఇప్పుడు మేమంతా నీతో ఫోటో దిగాలనుకుంటున్నాం” అని చెప్పి సెల్ఫీ దిగడం అందరినీ ఆకట్టుకుంది.

మేడారం జాతర సందడి, రష్మి పెళ్లి ముచ్చట్లు, మరియు జవాన్ల త్యాగాల నేపథ్యంలో సాగిన ఈ ఎమోషనల్ అండ్ ఫన్నీ ఎపిసోడ్ ఈ ఆదివారం మధ్యాహ్నం 1 గంటకు ప్రసారం కానుంది. మరి రష్మి పెళ్లి గురించి సోదమ్మ చెప్పిన ఆ ‘మరో వ్యక్తి’ ఎవరో తెలియాలంటే ఫుల్ ఎపిసోడ్ చూడాల్సిందే!