టాలీవుడ్ ‘సీత’ మృణాల్ ఠాకూర్ (Mrunal Thakur) ఇప్పుడు సోషల్ మీడియాలో హాట్ టాపిక్గా మారారు. పద్ధతైన పాత్రలతో తెలుగు ప్రేక్షకుల మనసు దోచుకున్న ఈ భామ, తాజాగా తన పర్సనల్ లైఫ్ మరియు బ్రేకప్ గురించి చేసిన వ్యాఖ్యలు ఇండస్ట్రీలో దుమారం రేపుతున్నాయి. తన మాజీ ప్రేమికుడు తనను వదిలేయడానికి గల అసలు కారణాన్ని మృణాల్ ఓపెన్గా వెల్లడించారు.
హీరోయిన్ అవ్వడం ఇష్టం లేక..
మృణాల్ గతంలో ఒక వ్యక్తితో పీకల్లోతు ప్రేమలో ఉన్నారట. అయితే, ఆమె సినిమాల్లోకి రావడం, హీరోయిన్గా కెరీర్ ఎంచుకోవడం అతనికి అస్సలు నచ్చలేదని మృణాల్ తెలిపారు. “నేను చాలా దూకుడుగా ఉంటానని, నాతో లైఫ్ కొనసాగించడం కష్టమని చెప్పి అతడే నాకు బ్రేకప్ చెప్పాడు” అని ఆమె వెల్లడించారు.
పిల్లల భవిష్యత్తు కోసమేనా?
ఈ బ్రేకప్ గురించి మృణాల్ మాట్లాడుతూ ఒక ఆసక్తికరమైన పాయింట్ లేవనెత్తారు. “అతని ఆలోచనా విధానం చూసి నాకు జాలి వేసింది. అలాంటి మైండ్సెట్ ఉన్న వ్యక్తితో ఉంటే, భవిష్యత్తులో పుట్టబోయే పిల్లలు కూడా అదే సంకుచిత భావాలతో పెరుగుతారు. అది నాకు ఇష్టం లేదు, అందుకే విడిపోవడమే మంచిదనిపించింది” అంటూ తన బోల్డ్ డెసిషన్ను సమర్థించుకున్నారు.
ధనుష్తో సీక్రెట్ మ్యారేజ్?
గత కొన్నాళ్లుగా కోలీవుడ్ స్టార్ హీరో ధనుష్ (Dhanush) మరియు మృణాల్ పెళ్లి చేసుకోబోతున్నారంటూ వార్తలు వస్తున్నాయి. వీటిపై మృణాల్ స్పందిస్తూ.. “ధనుష్ నాకు కేవలం మంచి స్నేహితుడు మాత్రమే. మా మధ్య అంతకు మించి ఏమీ లేదు” అని క్లారిటీ ఇచ్చారు. అలాగే క్రికెటర్ శ్రేయస్ అయ్యర్ తో వస్తున్న వార్తలను కేవలం ‘పిఆర్ స్టంట్స్’ గా కొట్టిపారేశారు.
ప్రొఫెషనల్ లైఫ్..
హిట్ సినిమాలు: సీతా రామం, హాయ్ నాన్న, ది ఫ్యామిలీ స్టార్ చిత్రాలతో టాలీవుడ్లో క్రేజీ హీరోయిన్గా మారారు.
నెక్స్ట్ మూవీ: హిందీలో ఆమె నటించిన ‘దో దీవానే శహర్ మే’ ఫిబ్రవరి 20న విడుదల కానుంది.
