సినిమా వార్తలు
‘సాంప్రదాయిని సుప్పిని సుద్దపూసని’ ఎంత బిజినెస్ అయ్యింది, కలెక్షన్స్ పరిస్దితి ఏమిటి?
బిగ్ బాస్ 7 తో సెకండ్ ఇన్నింగ్స్ మొదలుపెట్టిన శివాజీ, ’90’s’ సిరీస్తో ఫుల్ ఫామ్లోకి వచ్చారు. లయతో కలిసి ఆయన చేసిన పాత సినిమాలు అన్నీ సూపర్ హిట్లే. అందుకే ‘సాంప్రదాయిని సుప్పిని సుద్దపూసని’ సినిమాపై ట్రేడ్ వర్గాల్లో భారీ అంచనాలు నెలకొన్నాయి. కానీ, థియేటర్లోకి వచ్చిన ఈ సినిమాకు అనూహ్యంగా నెగిటివ్ టాక్ రావడంతో ఇప్పుడు అంతా షాక్ అవుతున్నారు. అసలు ఈ సినిమా బిజినెస్ ఎంత జరిగింది? బ్రేక్ ఈవెన్ అవ్వాలంటే ఎన్ని కోట్లు రావాలి? అన్న విషయాలు తెలిస్తే ఎవరికైనా మైండ్ బ్లాక్ అవ్వాల్సిందే!
బిజినెస్ లెక్కలు: ఎక్కడ ఎంత వసూలు చేయాలి?
వంశీ నందిపాటి ఈ సినిమాను తెలుగు రాష్ట్రాల్లో భారీగా రిలీజ్ చేశారు. ట్రేడ్ లెక్కల ప్రకారం ఈ సినిమా థియేట్రికల్ బిజినెస్ వివరాలు ఇలా ఉన్నాయి:
నైజాం: 1.4 కోట్లు
సీడెడ్: 0.20 కోట్లు
ఆంధ్ర (టోటల్): 1.20 కోట్లు
రెస్ట్ ఆఫ్ ఇండియా & ఓవర్సీస్: 0.25 కోట్లు
వరల్డ్ వైడ్ టోటల్ బిజినెస్: 3.05 కోట్లు
ఈ లెక్కన సినిమా సేఫ్ జోన్ లోకి రావాలంటే కనీసం 3.5 కోట్ల షేర్ వసూలు చేయాలి. శివాజీ క్రేజ్ చూసి ఈ టార్గెట్ చాలా చిన్నది అనుకున్నారు కానీ, ఇప్పుడు సీన్ మొత్తం రివర్స్ అయ్యింది.
ప్లాప్ టాక్.. బ్రేక్ ఈవెన్ కష్టమేనా?
సినిమాకు మొదటి షో నుండే నెగిటివ్ టాక్ రావడంతో కలెక్షన్స్ పై భారీ ప్రభావం పడుతోంది. శివాజీ-లయ కాంబో అంటే మినిమం గ్యారెంటీ అనుకున్న బయ్యర్లకు ఇప్పుడు చెమటలు పడుతున్నాయి. వారం తిరగకముందే థియేటర్లు ఖాళీ అవుతుండటంతో, పెట్టిన పెట్టుబడి వెనక్కి రావడం గగనంగా మారింది. నెగిటివ్ టాక్ ఉన్నప్పుడు 3.5 కోట్ల మార్క్ అందుకోవడం అంటే మామూలు విషయం కాదు. సోషల్ మీడియాలో కూడా ఈ సినిమాపై ట్రోల్స్ మొదలయ్యాయి. కంటెంట్ వీక్ గా ఉండటమే ఈ పరిస్థితికి కారణమని సినీ విశ్లేషకులు చెబుతున్నారు.
శివాజీకి ఇది కోలుకోలేని దెబ్బేనా?
ఒకప్పుడు హిట్లు ఇచ్చిన కాంబినేషన్ కదా అని గుడ్డిగా థియేటర్ కి వెళ్ళే రోజులు పోయాయి. కంటెంట్ లో దమ్ము లేకపోతే ఎంతటి సీనియర్ హీరోనైనా ప్రేక్షకులు పక్కన పెట్టేస్తారని ఈ సినిమా నిరూపిస్తోంది. శివాజీ తన తదుపరి ప్రాజెక్టుల విషయంలో జాగ్రత్త పడకపోతే, సెకండ్ ఇన్నింగ్స్ లో వచ్చిన ఇమేజ్ డ్యామేజ్ అయ్యే ప్రమాదం ఉంది. మరి ఈ గండం నుంచి సినిమా గట్టెక్కుతుందా? లేక బయ్యర్లను ముంచేస్తుందా? అన్నది చూడాలి. మీరేమంటారు? ఈ సినిమా రిజల్ట్ పై మీ అభిప్రాయం ఏంటో కామెంట్ చేయండి!
