కోలీవుడ్ సూపర్ స్టార్ విజయ్ నటించిన ‘జన నాయగన్’ మూవీ పరిస్థితి ప్రస్తుతం అగమ్యగోచరంగా మారింది. ఈ ఏడాది సంక్రాంతికే దుమ్ములేపుతుందనుకున్న ఈ సినిమా, అడ్వాన్స్ బుకింగ్స్ లోనే ఏకంగా 50 కోట్ల రూపాయల గ్రాస్ వసూలు చేసి అందరి మైండ్ బ్లాక్ చేసింది. విజయ్ కెరీర్ లోనే ఈజీగా 100 కోట్ల ఓపెనింగ్స్ రాబట్టే సినిమా అని ట్రేడ్ వర్గాలు లెక్కలేశాయి. కానీ, సీన్ కట్ చేస్తే సెన్సార్ బోర్డు విద్వేషపూరిత సన్నివేశాల పేరుతో సర్టిఫికేట్ నిరాకరించి షాక్ ఇచ్చింది.
కోర్టు మెట్లు.. కమిటీ వాయిదాలు!
సెన్సార్ బోర్డు అభ్యంతరం చెప్పిన సీన్లను తొలగించడానికి నిర్మాతలు నిరాకరించి కోర్టు వరకు వెళ్లారు. అయితే కోర్టు కూడా సెన్సార్ బోర్డు వైపే మొగ్గు చూపడంతో, చేసేది లేక మేకర్స్ వెనక్కి తగ్గారు. తాజాగా ఎడిట్ చేసిన వెర్షన్ను రివైజింగ్ కమిటీకి పంపగా, నేడు ఆ సినిమాను చూడాల్సిన కమిటీ సభ్యుల్లో ఒకరికి అనారోగ్యం కారణంగా చివరి నిమిషంలో వాయిదా పడింది. తదుపరి డేట్ ఎప్పుడో చెప్పకపోవడంతో నిర్మాతలకు ఇప్పుడు చుక్కలు కనిపిస్తున్నాయి.
ఫిబ్రవరిలో రావాల్సిన సినిమా ఏప్రిల్ కు, ఇప్పుడు అది కూడా కుదరక జూన్ 22న విజయ్ పుట్టినరోజున విడుదల చేయాలని ప్లాన్ చేస్తున్నారు. ఈలోపు తమిళనాడులో ఎన్నికలు పూర్తికావడం, విజయ్ పెట్టిన TVK పార్టీ పర్ఫార్మెన్స్ ఈ సినిమా వసూళ్లపై తీవ్ర ప్రభావం చూపే అవకాశం ఉంది.
రాజకీయాల్లోకి రావడం వల్లనే విజయ్ కి ఇలాంటి ఇబ్బందులు ఎదురవుతున్నాయని, సాఫీగా సాగిపోతున్న కెరీర్ ను అనవసరంగా రిస్క్ లో పడేశారని సోషల్ మీడియాలో నెటిజన్లు కామెంట్స్ చేస్తున్నారు. మరి జూన్ కైనా ఈ ‘జన నాయగన్’ జనం ముందుకు వస్తాడా లేదా అనేది వేచి చూడాలి.
ఈ సినిమా చుట్టూ జరుగుతున్న హై డ్రామాపై మీ అభిప్రాయం ఏంటి? విజయ్ రాజకీయ ఎంట్రీ ఈ సినిమాను దెబ్బతీస్తుందా? కింద కామెంట్ చేయండి. మరిన్ని ఎక్స్ క్లూజివ్ అప్డేట్స్ కోసం ఫాలో అవ్వండి!
